ଓଡ଼ିଆ ଡାକ୍ତରୀ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣା, ପୀଡ଼ିତାଙ୍କ ପୁରୁଷବନ୍ଧୁଙ୍କୁ ଅଟକ ରଖି ପଚରାଉଚରା

ଭୁବନେଶ୍ବର: ପଶ୍ଚିମବଙ୍ଗରେ ମେଡିକାଲ ଛାତ୍ରୀଙ୍କୁ ଗଣଦୁଷ୍କର୍ମ ମାମଲାରେ ପୁରୁଷ ବନ୍ଧୁଙ୍କୁ ଝାଲବୁହା ଜେରା । ପୀଡ଼ିତାଙ୍କ ପୁରୁଷବନ୍ଧୁଙ୍କୁ ଅଟକ ରଖି ପଚରାଉଚରା କରାଯାଉଛି। ପୁରୁଷ ବନ୍ଧୁଙ୍କ ସନ୍ଦେହଜନକ ପଳାୟନକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଘଟଣା ଦିନ ପୀଡ଼ିତାଙ୍କ ପୁରୁଷ ବନ୍ଧୁ ତାଙ୍କୁ ଏକା ଛାଡି ସାହାଯ୍ୟ ପାଇଁ ଦୌଡ଼ି ପଳାଇଥିଲେ । ପରେ କିଛି ସହପାଠୀଙ୍କ ସହ ଫେରି ପୀଡ଼ିତାଙ୍କୁ ହସ୍ପିଟାଲ୍ ନେଇଥିଲେ । ପୁରୁଷ ବନ୍ଧୁ କାହିଁକି ଛାଡ଼ି ପଳାଇଥିଲା ତାକୁ ନେଇ ତଦନ୍ତ ହେଉ ବୋଲି କହିଛନ୍ତି ଜାତୀୟ ମହିଳା କମିଶନ ।ପୀଡିତାଙ୍କୁ ଭେଟିବ ରାଜ୍ୟ ମହିଳା କମିସନ ଟିମ । ସେଠାରେ ସ୍ଥିତି ପରଖିବା ସହ ତଦନ୍ତ ଅଧିକାରୀଙ୍କ ସହ ଆଲୋଚନା କରିବେ। ଗଣଦୁଷ୍କର୍ମ ମାମଲାରେ ଅନ୍ୟ ଫେରାର ଅଭିଯୁକ୍ତଙ୍କୁ ଧରିବା ଲାଗି ବିଭିନ୍ନ ସ୍ଥାନରେ ଚଢଉ ଜାରି ରଖିଛି ଦୁର୍ଗାପୁର ପୋଲିସ। ଗଣଦୁଷ୍କର୍ମ ମାମଲାରେ ପୋଲିସ ଏଯାଏ ୪ ଅଭିଯୁକ୍ତଙ୍କୁ ଗିରଫ କରିଛି । ୧୦ ଦିନିଆ ପୋଲିସ ରିମାଣ୍ଡରେ ଅଭିଯୁକ୍ତ ।