କଟକ : କଟକ ବାଲିଯାତ୍ରାରେ ଦୋଳି ଅଚଳ ଘଟଣା । ପ୍ରାୟ ୩ ଘଣ୍ଟା ପରେ ୫୦ ଫୁଟ୍ ଉପରୁ ୮ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କଲା ଅଗ୍ନିଶମ ବାହିନୀ । ସ୍କାଏ ଲିଫଟର ସାହାଯ୍ୟରେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ ତଳକୁ ଅଣାଯାଇଥିଲା । ଗତକାଲି ହମର ଦୋଳିରେ ଖେଳିବା ବେଳେ ଫସିଯାଇଥିଲେ ଲୋକ । ବୈଷୟିକ ତ୍ରୁଟି ପାଇଁ ଅଘଟଣ ଘଟିଥିବା କୁହାଯାଉଛି ।
ତେବେ ସୁରକ୍ଷିତ ଉଦ୍ଧାର ପାଇଁ ନାକେଦମ୍ ହୋଇଥିଲା ପୋଲିସ । ୨ ଘଣ୍ଟାରୁ ଅଧିକ ସମୟ ଧରି ଫସିଲେ ଲୋକେ । ବ୍ରୋଣ୍ଟୋ ସ୍କାଏ ମେସିନରେ ହେଲା ଉଦ୍ଧାର କାର୍ଯ୍ୟ । ଘଟଣାସ୍ଥଳରେ ପହଞ୍ଚିଥିଲେ କଟକ ଡିସିପି ରିଶିକେଶ ଖିଲାରୀ । ଉଦ୍ଧାର ପରେ ମେଡିକାଲରେ ଭର୍ତ୍ତି ହେଲେ ଫସିଥିବା ଲୋକେ । ଜଣକ ପରେ ଜଣଙ୍କୁ ଉଦ୍ଧାର କରିଥିଲା ଅଗ୍ନିଶମ ବାହିନୀ ।
