କାର୍ଯ୍ୟରେ ଅବହେଳା ପାଇଁ ପୋଲିସ ASI ନିଲମ୍ବିତ

ଭଦ୍ରକ : କାର୍ଯ୍ୟରେ ଅବହେଳା ପ୍ରଦର୍ଶନ ପାଇଁ ପୋଲିସ ASI ନିଲମ୍ବିତ । ନିଲମ୍ବିତ ASI ହେଉଛନ୍ତି ଭଦ୍ରକ ଟାଉନ ଥାନାରେ କାର୍ଯ୍ୟରତ ସୁଶାନ୍ତ କୁମାର ନାୟକ । ସେ ଟାଉନ ଥାନାରେ ପ୍ରାୟ 2 ବର୍ଷ ହେଲା କାର୍ଯ୍ୟ କରୁଥିଲେ ମଧ୍ୟ ତାଙ୍କ କାର୍ଯ୍ୟ ସନ୍ତୋଷଜନକ ନ ଥିଲା । ଏପରିକି ପୋଲିସ ସେବା ଓ କାର୍ଯ୍ୟକୁ ସେ ଠିକ ଭାବରେ ସମ୍ପାଦନ କରୁ ନ ଥିବାରୁ ଟାଉନ ଥାନା ଅଧିକାରୀ ତାଙ୍କୁ ବିଭିନ୍ନ ସମୟରେ ତାଗିଦ ମଧ୍ୟ କରିଥିଲେ । କିନ୍ତୁ ଏହା ସତ୍ୱେ ମଧ୍ୟ ସେ ନିଜର କର୍ତ୍ତବ୍ୟକୁ ଠିକ ଭାବରେ କରୁ ନ ଥିବାରୁ ଥାନା ଅଧିକାରୀ ଭଦ୍ରକ ଏସପିଙ୍କ ଏ ସମ୍ପର୍କ ରେ ଜଣାଇଥିଲେ । ଶେଷରେ ଭଦ୍ରକ ଏସପି ମନୋଜ ରାଉତ ତାଙ୍କୁ ଆଜି କାର୍ଯ୍ୟରୁ ନିଲମ୍ବନ କରିଥିବା ଭଦ୍ରକ ଟାଉନ ଥାନା ଅଧିକାରୀ ସୂଚନା ଦେଇଛନ୍ତି ।