କଳାହାଣ୍ଡି : ବିଜେପି ରାଜ୍ୟ ସଭାପତି ମନମୋହନ ସାମଲ ଆଜି କଳାହାଣ୍ଡି ଜିଲ୍ଲାର ଜୁନାଗଡ଼କୁ ଗସ୍ତରେ ଆସିଥିଲେ । ଜୁନାଗଡ଼ ପରେ ଧର୍ମଗଡ଼ ଦଳୀୟ କାର୍ଯ୍ୟକ୍ରମ ଯୋଗ ଦେଲେ । ରାଜ୍ୟ ସରକାରଙ୍କ ବିଭିନ୍ନ ଯୋଜନାକୁ ଜନସାଧାରଣଙ୍କ ପାଖରେ ପହଂଚାଇବା ତଥା ତୃଣମୂଳ ସ୍ତରରେ କାମ କରିବାକୁ କର୍ମୀମାନଙ୍କୁ ଗୁରୁମନ୍ତ୍ର ଦେଇଥିଲେ ।
ବିଜେପି ସରକାର ହେଉଛି ଲୋକଙ୍କ ସରକାର, ଜୁନାଗଡ଼ ନିର୍ବାଚନ ମଣ୍ଡଳୀରେ ବିଜେପି ବିଧାୟକ ନ ଥିଲେ ସୁଦ୍ଧା ଜୁନାଗଡ଼ ନିର୍ବାଚନ ମଣ୍ଡଳୀର ବିକାଶ ସର୍ବାଗ୍ରେ ରହିବ । ଦେଶରେ କଂଗ୍ରେସ ୪୦ ବର୍ଷ ଶାସନ କଲା, ପରିବାର ବାଦ ଶାସନ କରୁଥିଲେ । କଂଗ୍ରେସ ଗରିବ ହଟାଓ ସ୍ଲୋଗାନ ଦେଇଥିଲେ ହେଲେ ଗରିବୀ ଆହୁରି ବଢିଗଲା ।
ସେହିଭଳି ଓଡ଼ିଶାରରେ ବିଜୁ ଜନତାଦଳ ୨୪ ବର୍ଷ ଶାସନ କଲେ ହେଲେ ଲୋକଙ୍କୁ ପ୍ରତାରଣା କଲେ । ବିଜେଡି ସରକାର ସମୟରେ ଗର୍ଵ ଅହଂକାର ଚରମସୀମାରେ ପହଞ୍ଚିଥିଲା । ଚଳିତ ନିର୍ବାଚନ ରେ ଲୋକେ ତାଙ୍କୁ ମଧ୍ୟ ପ୍ରତ୍ୟାଖ୍ୟାନ କଲେ ।
ବର୍ତ୍ତମାନ କେନ୍ଦ୍ର ରେ ବିଜେପି ଓ ରାଜ୍ୟରେ ମଧ୍ୟ ବିଜେପି ସରକାର ଅଛି । ବିଜେପି ଦଳ ସାଧାରଣ ଜନତାଙ୍କ ଭୋଟ ପାଇ ଶାସନ କୁ ଆସିଛି । ସରକାର ଆସିବା ପରେ ଲୋକଙ୍କ ପାଖକୁ କିଭଳି ବିକାଶ ପହଞ୍ଚିବ ସେନେଇ ସବୁବେଳେ ତତ୍ପରତା ଦେଖାଉଛନ୍ତି ବୋଲି କହିଥିଲେ ।
