ନୂଆଦିଲ୍ଲୀ : ଦେଶରେ ବୃଦ୍ଧି ପାଉଛି କୋଭିଡ୍ ସଂକ୍ରମଣ । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ସୂଚନା ମୁତାବକ ଆଜି ସୁଦ୍ଧା ଆକ୍ଟିଭ୍ କେସ୍ ୬ ହଜାର ୧୩୩ରେ ପହଞ୍ଚିଛି । ଗତ ୨୪ ଘଣ୍ଟରେ ୩୯୧ଟି ନୂଆ ମାମଲା ଚିହ୍ନଟ ହୋଇଛି । ସବୁଠାରୁ ଅଧିକ ସଂକ୍ରମିତ କେରଳରେ ଚିହ୍ନଟ ହୋଇଛନ୍ତି। କେରଳରେ ଗତ ୨୪ ଘଣ୍ଟାରେ ୧୨୭ ନୂଆ କେସ୍ ।
ସେହିପରି ଗତ ୨୪ ଘଣ୍ଟାରେ ଗୁଜରାଟରେ ୧୦୨, ଦିଲ୍ଲୀରେ ୭୩, ମହାରାଷ୍ଟ୍ରରେ ୨୯, ତାମିଲନାଡ଼ୁରେ ୨୭, ପଶ୍ଚିମବଙ୍ଗରେ ୨୬, ଛତିଶଗଡ଼ରେ ୧୭ ଏବଂ ଆନ୍ଧ୍ରପ୍ରଦେଶରେ ୧୦ ନୂଆ ମାମଲା ସାମନାକୁ ଆସିଛି । ଅରୁଣାଚଳ ପ୍ରଦେଶ, ଚଣ୍ଡୀଗଡ଼, ମିଜୋରାମ ଏବଂ ମଣିପୁରରୁ ଏ ପର୍ଯ୍ୟନ୍ତ କୌଣସି ମାମଲା ଚିହ୍ନଟ ହୋଇନାହିଁ। ଗତ୨୪ ଘଣ୍ଟା ମଧ୍ୟରେ ଦେଶରେ ୪ କୋଭିଡ୍ ଆକ୍ରାନ୍ତଙ୍କ ମୃତ୍ୟୁ ହୋଇଛି। ମଧ୍ୟପ୍ରଦେଶରେ ଜଣେ, ମହାରାଷ୍ଟ୍ରରେ ଜଣେ, କେରଳରେ ଜଣେ ଏବଂ ତାମିଲନାଡ଼ୁରେ ଜଣଙ୍କର ମୃତ୍ୟୁ ହୋଇଛି।
