ମୟୂରଭଞ୍ଜ : ମୟୂରଭଞ୍ଜରେ ଧରାପଡ଼ିଲା ଡକାୟତି ଗ୍ୟାଙ୍ଗ । ୮ ଅଭିଯୁକ୍ତ ଗିରଫ, ଚୋରା ସମଗ୍ରୀ ଓ ବିଭିନ୍ନ ମାରଣାସ୍ତ୍ର ଜବତ । ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଧୀନ ଖୁଣ୍ଟାପୁର ଗାଁରେ ଗତ ୧୦ ତାରିଖ ସନ୍ଧ୍ୟା ପ୍ରାୟ ୭ଟାରେ ଚିନ୍ମୟ ମିଶ୍ରଙ୍କ ଘରକୁ ୮ ଜଣ ଅଜଣା ଦୁର୍ବୃତ୍ତ ପଶିଥିଲେ । ସେମାନେ ଚିନ୍ମୟଙ୍କୁ ମରଣାନ୍ତକ ଆକ୍ରମଣ କରି ଘରୁ ନଗଦ ଟଙ୍କା ଓ ସୁନାରୁପା ଗହଣା ଲୁଟି ନେଇଥିଲେ । ଘଟଣା ପରେ ସ୍ଥାନୀୟ ଲୋକେ ଜଣେ ଦୁର୍ବୃତ୍ତଙ୍କୁ ଧରି ପୋଲିସ ଜିମା ଦେଇଥିଲେ । ଏହି ଘଟଣାରେ ତଦନ୍ତ କରି ପୋଲିସ ମୋଟ ୮ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ମଧ୍ୟରୁ କିଛି ବାଲେଶ୍ୱର ଓ କିଛି ମୟୂରଭଞ୍ଜ ଜିଲ୍ଲାର ବୋଲି ଜଣାପଡ଼ିଛି ।
ସେମାନେ ଏକ ଗ୍ୟାଙ୍ଗ ଗଠନ କରି ବିଭିନ୍ନ ଅଞ୍ଚଳରେ ଚୋରି, ଲୁଟ, ଛିନତାଇ ଓ ଡକାୟତି କରୁଥିଲେ। ଅଭିଯୁକ୍ତଙ୍କ ଠାରୁ ନଗଦ ୫ହଜାର୯୧୦ ଟଙ୍କା ଅନେକ ସୁନା ଚେନ, ମଙ୍ଗଳସୂତ୍ର, ରୁପା ଆଳଙ୍କାର ଓ ମୁଦ୍ରା ଜବତ କରାଯାଇଛି । ସେହିପରି ବିଭିନ୍ନ ମାରଣାସ୍ତ୍ର ସହ ୮ଟି ମୋବାଇଲ ଫୋନ୍ ଓ ୨ଟି ସ୍କୁଟି ମଧ୍ୟ ଜବତ ହୋଇଛି। ଏହି ମାମଲାରେ ଆଉ ୨ ଜଣ ଅଭିଯୁକ୍ତ ପଳାତକ ରହିଥିବା ବେଳେ ସେମାନଙ୍କୁ ଧରିବା ପାଇଁ ପୋଲିସ ଉଦ୍ୟମ ଜାରି ରଖିଛି ।
