କେଉଁଝର : ରାଜ୍ୟ ସରକାର ରାଜ୍ୟରେ ନୂତନ ୨୦ ଟି ସ୍ଥାନକୁ ପର୍ଯ୍ୟଟନସ୍ଥଳୀ ଘୋଷଣା କରିଛନ୍ତି। ଏଥିରେ କେଉଁଝର ଜିଲ୍ଲାର ସର୍ବାଧିକ ୭ଟି ସ୍ଥାନକୁ ପର୍ଯ୍ୟଟନ କେନ୍ଦ୍ର କରାଯିବାକୁ ପର୍ଯ୍ୟଟନ ବିଭାଗ ନିର୍ଦ୍ଦେଶକ ଆଇଏଏସ ସମର୍ଥ ବର୍ମା ଜିଲ୍ଲାପାଳମାନଙ୍କୁ ଚିଠି କରିଛନ୍ତି।
ସୂଚନା ଅନୁଯାୟୀ କେଉଁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ଖିରେଇଟାଙ୍ଗରି ପଞ୍ଚାୟତର ୪୯ ନଂ ଜାତୀୟ ରାଜପଥ ନିକଟ ଡାବରଚୁଆ ଡ୍ୟାମ ସାଇଟର ଉନ୍ନତିକରଣ କରାଯାଇ ଏହାକୁ ଏକ ମନୋରମ ପର୍ଯ୍ୟଟନସ୍ଥଳ କରାଯିବ ବୋଲି ସୂଚନା ମିଳିଛି। ସେହିପରି ଜିଲ୍ଲାର ଆନନ୍ଦପୁର ବ୍ଲକ ବୈତରଣୀର ଦରଗୁଡିଶିଳା, ଘଟଗାଁ ବରାହଟିପୁରା ସ୍ଥିତ ନିଳକଣ୍ଠେଶ୍ୱର ମନ୍ଦିର, ବାଂଶପାଳ ବ୍ଲକର କଇଁଝର ଜଳ ପ୍ରପାତ, ଝୁମ୍ପୁରା ବ୍ଲକର କାଇଯୋଡ଼ା ଜଳ ପ୍ରପାତ, ତେଲକୋଇର ଟେଣ୍ଟେଇନାଳୀ ଜଳପ୍ରପାତ ଆଦି ସ୍ଥାନକୁ ପର୍ଯ୍ୟଟନସ୍ଥଳୀ କରାଯିବ ବୋଲି ସୂଚନା ମିଳିଛି ।
