ଆବୁଧାବି : ପହଲଗାମ ଆକ୍ରମଣକୁ ଭୁଲିଗଲେ ହରଭଜନ ସିଂ । ପାକିସ୍ତାନୀ ଖେଳାଳିଙ୍କ ସହ ହାତ ମିଳାଇଲେ ଏବଂ ହସି ହସି କଥା ହେଲେ । ଯାହାକୁ ନେଇ ବିବାଦରେ ଫସିଛନ୍ତି ପୂର୍ବତନ କ୍ରିକେଟର ହରଭଜନ ସିଂ ।ଖବର ମୁତାବକ, ଆବୁଧାବିରେ ଏବେ ଟି୧୦ କ୍ରିକେଟ୍ ଲିଗ୍ ର ନଭେମ୍ବର ୧୯ ତାରିଖରେ ଆସପିନ୍ ଷ୍ଟାଲିଅନ୍ସ ଏବଂ ନର୍ଦର୍ଣ୍ଣ ଓ୍ୱାରିଅର୍ସ ମଧ୍ୟରେ ମ୍ୟାଚ୍ ଖେଳାଯାଇଥିଲା । ଷ୍ଟାଲିଅନ୍ସର ନେତୃତ୍ୱ ହରଭଜନ ନେଉଥିବା ବେଳେ ଓ୍ୱାରିଅର୍ସର ଅଧିନାୟକ ଥିଲେ ପାକିସ୍ତାନୀ ଖେଳାଳି ଶାହନଓ୍ବାଜ ଦହାନୀ ।ଓ୍ୱାରିଅର୍ସ ପ୍ରଥମେ ବ୍ୟାଟିଂ କରି ୧୧୪ ରନ୍ କରିଥିଲା । ଜବାବରେ ହରଭଜନ ସିଂଙ୍କ ଦଳ ୪ ରନ ପଛରେ ରହିଯାଇଥିଲା । ତେବେ ମୁକାବିଲା ପରେ ଶାହନଓ୍ୱାଜ ହରଭଜନଙ୍କ ପାଖକୁ ଆସିଥିଲେ । ଉଭୟ ହସି ହସି କଥା ହେବା ସହ ହାତ ମିଶାଇଥିଲେ । ଯାହାକୁ ନେଇ ବିବାଦ ଆରମ୍ଭ ହୋଇଛି । ଏହା ଏବେ ସୋସିଆଲ ମିଡିଆରେ ଭାଇରଲ ହେବା ପରେ ଫ୍ୟାନ୍ସ ହରଭଜନ ସିଂହଙ୍କୁ ନେଇ ଚର୍ଚ୍ଚା ଚାଲିଛି ।
ସୂଚନାଯୋଗ୍ୟ, ପହଲଗାମ ଆକ୍ରମଣ ପରେ ଭାରତ ଏବଂ ପାକିସ୍ତାନର ସମ୍ପର୍କ ଭଲ ନାହିଁ । ଏସିଆ କପରୁ ଉଭୟ ଦେଶର ଖେଳାଳି କ୍ରିକେଟ୍ ମ୍ୟାଚରେ ପରସ୍ପର ସହ ହାତ ମିଳାଉ ନାହାଁନ୍ତି । ଏସିଆ କପ ଠାରୁ ଏଭଳି ଚାଲିଛି ।
