ସୋନମ କପୁର ତାଙ୍କ ଦ୍ବିତୀୟ ପୁଅର ନାଁ ରିଭିଲ୍ କରିଛନ୍ତି । ସୋନମ କପୁର ସୋସିଆଲ ମିଡିଆରେ ତାଙ୍କ ପୁଅର ଝଲକ ସହିତ ଏକ ପୋଷ୍ଟ ସେୟାର କରିଛନ୍ତି ।
ସୋନମ କପୁର ତାଙ୍କର କ୍ୟାପସନରେ ଲେଖିଛନ୍ତି ଯେ, “ପବିତ୍ର ଏକାଦଶୀ ଦିନ ଭଗବାନ ବିଷ୍ଣୁଙ୍କ କୃପାରୁ, ଆମେ ଆମର ଦ୍ୱିତୀୟ ପୁଅକୁ ପାଇଛୁ । ଆମେ ‘ରୁଦ୍ରଲୋକ କପୁର ଆହୁଜା’କୁ ସ୍ୱାଗତ କରୁଛୁ। ’’ଏଥିସହ ସେ ତାଙ୍କ ପୁଅ ନାଁର ଅର୍ଥକୁ ବାଖ୍ୟା କରିଛନ୍ତି। ବେଦରେ, ‘ରୁଦ୍ର’ ରୁଦ୍ ରୁ ସୃଷ୍ଟି । ଯାହାର ଅର୍ଥ ‘ବଜ୍ରପାତ’ । ଯାହା ସମସ୍ତଙ୍କଠାରୁ ଖୁବ୍ ଶକ୍ତିଶାଳୀ ବୋଲି ଅଭିନେତ୍ରୀ କହିଛନ୍ତି ।
ଅନ୍ୟପଟେ ଦ୍ବିତୀୟ ପୁଅର ସେୟାର କରିଥିବା ଫଟୋରେ ସେ ରୁଦ୍ରଙ୍କୁ ଛାତିରେ ଜାବୁଡି ଧରିଥିବା ଦେଖିବାକୁ ମିଳିଛି । ଆଉ ଏକ ଫଟୋରେ ଆନନ୍ଦ ରୁଦ୍ରଙ୍କୁ ଧରିଥିବାର ମଧ୍ୟ ଦେଖିବାକୁ ମିଳିଛି । ଏହି ସେୟାର ହୋଇଥିବା ଫଟୋରେ ସୋନମ କପୁର ଏବଂ ଆନନ୍ଦ କପୁରଙ୍କ ବ୍ୟତୀତ ତାଙ୍କ ବଡ଼ ପୁଅ ବାୟୁ ନଜର ଆସିଛନ୍ତି । ଏହି ଫଟୋ ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରଲ ହେବାରେ ଲାଗିଛି ।
