ନୂଆଦିଲ୍ଲୀ : ପୁଣି ଥରେ ମା’ ହେବେ କମେଡିଆନ୍ ଭାରତୀ ସିଂ । ଏହି ଖୁସି ଖବରକୁ ସେ ନିଜେ ଏକ ଫଟୋ ସହିତ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ତାଙ୍କ ବେବି ବମ୍ପକୁ ଫ୍ଲାଣ୍ଟ କରୁଥିବାର ଦେଖିବାକୁ ମିଳିଛି । ଏଥି ସହିତ ସେହି ଫଟୋରେ ତାଙ୍କ ସ୍ବାମୀ ହର୍ଷ ଲିବାଚିୟାଙ୍କୁ ମଧ୍ୟ ଦେଖିବାକୁ ମିଳିଛି । ଏହାରି ମଧ୍ୟରେ ଭାରତୀ ସିଂ ଏବଂ ତାଙ୍କ ସ୍ବାମୀଙ୍କ ଏକ ଫଟୋକୁ ଇନଷ୍ଟାଗ୍ରାମରେ ପୋଷ୍ଟ ହୋଇଛି । ଯେଉଁଥିରେ ଭାରତୀଙ୍କ ବେବି ବମ୍ପକୁ ତାଙ୍କ ସ୍ବାମୀ ଧରିଥିବାର ଦେଖିବାକୁ ମିଳିଛି । ସେୟାର ହୋଇଥିବା ଏହି ପୋଷ୍ଟରେ ଉଭୟେ ଖୁସି ନଜର ଆସିଛନ୍ତି । ଏହି ଫଟୋ ସେୟାର କରିବା ସହିତ ସେମାନେ ପୁଣି ଥରେ ବାପା-ମା ହେବାକୁ ଯାଉଛନ୍ତି ବୋଲି କ୍ୟାପସନରେ ଲେଖିଛନ୍ତି ।
ଭାରତୀ ୩ ଏପ୍ରିଲରେ ପୁତ୍ର ସନ୍ତାନକୁ ଜନ୍ମ କରି ପ୍ରଥମ ଥର ପାଇଁ ମା’ ହୋଇଥିଲେ । କିନ୍ତୁ ସେ ଝିଅଟିଏ ଚାହାଁନ୍ତି ବୋଲି କରୀନା କପୁରଙ୍କ ଏକ ଶୋ’ “ହ୍ୱାଟ୍ ଓମେନ୍ ୱାଣ୍ଟ” ରେ କହିଥିଲେ । ଏହା ବ୍ୟତୀତ ସେ ଗତ ମାସ ଗଣେଶ ଚତୁର୍ଥୀରେ ଆରତୀ କରିବା ସମୟରେ କନ୍ୟା ସନ୍ତାନ ପାଇଁ ବାପ୍ପାଙ୍କ ପାଖରେ ପ୍ରାର୍ଥନା କରିଥିଲେ ।
ସେପଟେ ଭାରତୀ ତାଙ୍କ ବ୍ଲଗ କରିଥିଲେ । ଯାହାର ଥମନେଲ୍ ’’ଗୋଲା ବଡ଼ ଭାଇ ହେବାକୁ ଯାଉଛି ’’ ବୋଲି ରଖିଥିଲେ । ଯାହାକୁ ଦେଖିବା ପରେ ଫ୍ୟାନ୍ସ ଖୁବ୍ ଉତ୍ସାହିତ ହୋଇ ପ୍ରତିକ୍ରିୟା ଦେଉଛନ୍ତି । ପରିଣୀତି ଚୋପ୍ରା ମଧ୍ୟ ଭାରତୀଙ୍କୁ ଅଭିନନ୍ଦନ ଜଣାଇଛନ୍ତି ।
