ଭାରତର ଷ୍ଟାର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ରାଜସ୍ଥାନର ଉଦୟପୁରରେ ତାଙ୍କ ବିବାହ ହୋଇଛି । ସେ ବିଜନେସମ୍ୟାନ୍ ଭେଙ୍କଟ ସାଇ ଦତ୍ତାଙ୍କ ସହିତ ବିବାହ କରିଛନ୍ତି । ଏମାନଙ୍କ ବିବାହର ଫଟୋ ସାମ୍ନାକୁ ଆସିଛି । ଫଟୋରେ ଦୁହିଁଙ୍କ ଯୋଡି ବେଶ୍ କମାଲ ଦେଖାଯାଉଛି । ବିବାହ ପରେ ଫ୍ୟାନ ତାଙ୍କୁ ଶୁଭେଚ୍ଛା ଜଣାଉଛନ୍ତି । ହିନ୍ଦୁ ରୀତି ନୀତି ଅନୁଯାୟୀ ଉଭୟେ ବିବାହ କରିଛନ୍ତି ।
ଡିସେମ୍ବର ୨୨ ତାରିଖରେ ବିବାହ ବନ୍ଧନରେ ଆବଦ୍ଧ ହୋଇଥିଲେ ସିନ୍ଧୁ । ବିବାହ ସମାରୋହ ବହୁତ ପ୍ରାଇଭେଟ ରହିଥିଲା । ବିବାହରେ ସାମିଲ ଥିବା କେନ୍ଦ୍ର ମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ ବିବାହ ଫଟୋ ସେୟାର କରିଛନ୍ତି । ମନ୍ତ୍ରୀ ନବବିବାହିତ ଯୋଡିକୁ ଆଶୀର୍ବାଦ ଦେଇଛନ୍ତି । ସିନ୍ଧୁଙ୍କ ବିବାହରେ ରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ଉପସ୍ଥିତ ଥିଲେ । ବିବାହରେ କେବଳ ନିକଟ ସଂପର୍କୀୟ ଏବଂ ପରିବାର ଲୋକ ସାମିଲ ଥିଲେ । ତେବେ ପିଭି ସିନ୍ଧୁଙ୍କ ରିସେପସନ ଡିସେମ୍ବର ୨୪ ହାଇଦ୍ରାବାଦରେ ହେବ । ଏଥିରେ ଖେଳ ଜଗତ ଛଡା ଫିଲ୍ମ ଏବଂ ରାଜନୈତିକ ବ୍ୟକ୍ତି ଯୋଗ ଦେବେ ।
ତେବେ ସିନ୍ଧୁଙ୍କ ସ୍ବାମୀ ଟି୨୦ ଲିଗ୍ ଆଇପିଏଲ ସହିତ ଜଡିତ । ଲିଙ୍କଡିନ୍ ବାୟୋରେ ମଧ୍ୟ ଭେଙ୍କଟ ବିଷୟରେ ଲେଖାଯାଇଛି । ଆଇପିଏଲ ଫ୍ରାଞ୍ଚାଇଜକୁ ମ୍ୟାନେଜ କରନ୍ତି । ସେ ପୋସାଇଡେକ୍ସ ଟେକ୍ନୋଲୋଜିରେ ବିଜନେସ୍ ଏଗଜିକ୍ୟୁଟିଭ ରହିଛନ୍ତି ।
କ୍ୟାରିଅର କଥା କହିବାକୁ ଗଲେ, ପିଭି ସିନ୍ଧୁ କିଛି ସମୟ ପାଇଁ ଖରାପ ଫର୍ମ ସହିତ ସଂଘର୍ଷ କରୁଥିଲେ ଏବଂ ଅଲିମ୍ପିକ୍ସରେ ମଧ୍ୟ ସେ କିଛି ବିଶେଷ ପ୍ରଦର୍ଶନ କରିପାରିନଥିଲେ । ଫିଟନେସ ଯୋଗୁଁ ଖରାପ ଫର୍ମରେ ଥିଲେ । ସୟଦ ମୋଦି ଇଣ୍ଟରନ୍ୟାସନାଲ ଟୁର୍ଣ୍ଣାମେଣ୍ଟ ଜିତିବା ପରେ ଆସନ୍ତା ମାସରୁ ସିନ୍ଧୁ ମ୍ୟାଚରେ ବ୍ୟସ୍ତ ରହିବେ ।
