ବ୍ୟବସାୟୀ ଓ ବିଲଡରଙ୍କ ଘରେ ଇଡି ରେଡ୍, ଆର୍ଥିକ ହେରଫେରକୁ କେନ୍ଦ୍ର କରି ଚଢଉ ହୋଇଥିବା ସନ୍ଦେହ

ବ୍ରହ୍ମପୁର: ବ୍ରହ୍ମପୁରରେ ପୁଣି ଇଡି ରେଡ୍ । ଏକାଧିକ ବ୍ୟବସାୟୀ ଓ ବିଲଡରଙ୍କ ଘରେ ଇଡି ପକ୍ଷରୁ ଚଢ଼ାଉ କରାଯାଇଛି । ଲାଞ୍ଜିପଲ୍ଲି ଗଣେଶ ନଗରରେ ବିଲଡର କାଳୀ ଚରଣ ଦାସଙ୍କ ଘରେ ଚଢଉ ହୋଇଛି । ସେହିପରି ଲାଞ୍ଜିପଲ୍ଲି ଢିପ ସାହିର ଶରତ ବେହେରାଙ୍କ ଘରେ ରେଡ୍ କରିଛି ଇଡି । ଗତକାଲି ସନ୍ଧ୍ୟାରେ ଇଡିର ଏକାଧିକ ଟିମ୍ ବ୍ରହ୍ମପୁରରେ ପହଞ୍ଚି ଚଢାଉ କରିଛନ୍ତି । କେଉଁ କାରଣରୁ ଚଢଉ ହୋଇଛି ତାହା ଜଣାପଡିନି । ଆର୍ଥିକ ହେରଫେରକୁ କେନ୍ଦ୍ର କରି ଚଢଉ ହୋଇଥିବା ସନ୍ଦେହ କରାଯାଇଛି ।