ନୂଆଦିଲ୍ଲୀ : ମେଡିସିନ ପାଇଁ ନୋବେଲ ପୁରସ୍କାର ଘୋଷଣା ହୋଇଛି । ଦୁଇ ଜଣ ଆମେରିକୀୟ ଏବଂ ଜଣେ ଜାପାନୀ ବୈଜ୍ଞାନିକଙ୍କୁ ଚିକିତ୍ସା ପାଇଁ ମିଳିବ ନୋବେଲ ପ୍ରାଇଜ୍ । ଏନେଇ ନୋବେଲ କମିଟି ତିନି ଜଣଙ୍କ ନାଁ ଘୋଷଣା କରିଛି । ଆମେରିକାର ମ୍ୟାରି-ଇ-ବ୍ରୁଙ୍କୋ, ପ୍ରେଡ୍ ରାମ୍ସଡେଲ ଏବଂ ଜାପାନୀ ବୈଜ୍ଞାନିକ ସିମୋନ ସକାଗୁଚୀ ।
ନୋବେଲ ପ୍ରାଇଜ୍ ୨୦୨୫ ପାଇଁ ମେଡିସିନରେ ୩ଜଣଙ୍କୁ ମିଳିତ ଭାବେ ଏହି ପୁରସ୍କାର ମିଳିବ । ଏହି ସର୍ବୋଚ୍ଚ ସମ୍ମାନ ଔଷଧ, ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ସାହିତ୍ୟ ଏବଂ ଶାନ୍ତି ସମେତ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବିଶିଷ୍ଟ ବ୍ୟକ୍ତିଙ୍କୁ ପ୍ରଦାନ କରାଯାଉଛି । ୬ ଅକ୍ଟୋବରରୁ ଆରମ୍ଭ ହୋଇଥିବା ନୋବେଲ ପୁରସ୍କାର ଘୋଷଣା ଅକ୍ଟୋବର ୧୩ ତାରିଖ ପର୍ଯ୍ୟନ୍ତ ଜାରି ରହିବ । ଷ୍ଟକହୋମରେ କାରୋଲିନ୍ସକା ଇନଷ୍ଟିଚ୍ୟୁଟରେ ଔଷଧ ପୁରସ୍କାର ଘୋଷଣା କରାଯାଇଛି ।
ଏହା ପରେ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ସାହିତ୍ୟ, ଶାନ୍ତି ପୁରସ୍କାର ଏବଂ ଅର୍ଥନୈତିକ ବିଜ୍ଞାନ ପୁରସ୍କାର ପାଇଁ ଘୋଷଣା କରାଯିବ । ଡିସେମ୍ବର ୧୦ ତାରିଖରେ, ଆଲଫ୍ରେଡ ନୋବେଲଙ୍କ ମୃତ୍ୟୁ ବାର୍ଷିକୀରେ ପୁରସ୍କାର ପ୍ରଦାନ କରାଯିବ ।
