ଶାର୍କ ମାଛ ଶରୀରରୁ ମିଳିଲା କୋକେନ

ଏକ ରିସର୍ଚ୍ଚରୁ ଜଣାପଡ଼ିଛି ଯେ, ବ୍ରାଜିଲର ସାମୁଦ୍ରିକ ବେଳାଭୂମିରୁ ଜବତ କରାଯାଇଥିବା କିଛି ଶାର୍କ ମାଛ ଶରୀରରୁ କୋକେନ ମିଳିଛି । ଏହି ଅଧ୍ୟୟନର ରିପୋର୍ଟ ‘ସାଇନ୍ସ ଅଫ୍ ଦି ଟୋଟଲ ଏନଭାୟରନମେଣ୍ଟ‘ରେ ପ୍ରକାଶିତ ହୋଇଛି । ଅବୈଧ ଡ୍ରଗ୍ସର ବ୍ୟବହାର କରିବା ଦ୍ୱାରା ସାମୁଦ୍ରିକ ଜୀବଙ୍କ ଉପରେ ତା’ର କ’ଣ ପ୍ରଭାବ ପଡ଼ୁଛି ତା’ ଉପରେ ଉକ୍ତ ଅଧ୍ୟୟନ ମାଧ୍ୟମରେ ଯାଞ୍ଚ କରାଯାଉଥିଲା । ମାଛଧରାଳୀଙ୍କ ଜାଲରେ ଧରାପଡ଼ିଥିବା ୧୩ଟି ଶାର୍ପନୋଜ ଶାର୍କଙ୍କର ଯାଞ୍ଚ କରାଯାଇଥିଲା । ତେବେ ସବୁ ଶାର୍କଙ୍କ ଦେହରେ କୋକେନ୍ ରହିଥିବା ବୈଜ୍ଞାନିକଙ୍କ ଯାଞ୍ଚରୁ ଜଣାପଡ଼ିଥିଲା । ପୂର୍ବ ଅଧ୍ୟୟନରେ ଅନ୍ୟ ସାମୁଦ୍ରିକ ଜୀବଙ୍କ ଠାରୁ ମିଳିଥିବା କୋକେନ ମାତ୍ରା ଅପେକ୍ଷା ଶାର୍କଙ୍କ ଠାରୁ ମିଳିଥିବା କୋକେନର ମାତ୍ରା ୧୦୦ ଗୁଣ ଅଧିକ ଥିଲା ।