ଇଟାନଗର : ଇଟାନଗର ପୁଲିସ ଏଠାକାର ସିଭିଲ୍ ସଚିବାଳୟ ପରିସରରୁ ଜଣେ ସନ୍ଦିଗ୍ଧ ଡ୍ରଗ୍ସ(ହେରୋଇନ୍) ଯୋଗାଣକାରୀଙ୍କୁ ଗିରଫ କରିଛି। ତାଙ୍କ ନିକଟରୁ ୪୪.୩୬ ଗ୍ରାମ ହେରୋଇନ୍ ଜବତ କରାଯାଇଛି ବୋଲି ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି । ଇଟାନଗର ପୋଲିସ ଅଧୀକ୍ଷକ (ଏସପି) ରୋହିତ ରାଜବୀର ସିଂହ କହିଛନ୍ତି ଯେ ଉକ୍ତ ବ୍ୟକ୍ତି ବର୍ତ୍ତମାନ ରାଜ୍ୟ ଉଦ୍ୟାନ କୃଷି ବିଭାଗରେ ମଲ୍ଟି-ଟାସ୍କିଂ ଷ୍ଟାଫ୍ (ଏମଟିଏସ୍) ଭାବରେ କାର୍ଯ୍ୟ କରୁଛନ୍ତି। ତାଙ୍କ ନିକଟରୁ ୪୪.୩୬ ଗ୍ରାମ ହେରୋଇନ୍ ଜବତ କରାଯାଇଛି। ଜବତ ହେରୋଇନର ମୋଟ ବଜାର ମୂଲ୍ୟ ପ୍ରାୟ ୩.୭ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି।
ସଚିବାଳୟର ଜଣେ କର୍ମଚାରୀ ପୁଲିସକୁ ସତର୍କ କରିବା ପରେ ଘଟଣାଟି ସାମ୍ନାକୁ ଆସିଥିଲା। ସୁରକ୍ଷା କର୍ମୀମାନେ ବ୍ଲକ ୩ର ତୃତୀୟ ମହଲାରେ ଥିବା ଏକ ବାଥରୁମ୍ ଭିତରେ ଜଣେ ସନ୍ଦିଗ୍ଧ ବ୍ୟବସାୟୀଙ୍କୁ ଅଟକ ରଖିଥିଲେ, ଯିଏ ରାଜ୍ୟ ଉଦ୍ୟାନ କୃଷି ବିଭାଗରେ ମଲ୍ଟି-ଟାସ୍କିଂ ଷ୍ଟାଫ୍ (ଏମଟିଏସ୍) ଭାବରେ କାର୍ଯ୍ୟ କରୁଛନ୍ତି। ଏ ସଂକ୍ରାନ୍ତରେ ପୁଲିସ ଏକ ମାମଲା ରୁଜୁ ସହ ତଦନ୍ତ ଆରମ୍ଭ କରିଥିବା ସୂଚନା ଦେଇଛି।
