ସିଡନୀ ଗ୍ରାଉଣ୍ଡରେ ରୁଟଙ୍କ ରାଜ୍, ଶତକ ହାସଲ କରି ସୃଷ୍ଟି କଲେ ନୂଆ ରେକର୍ଡ

ନୂଆଦିଲ୍ଲୀ  : ସିଡନୀ ଗ୍ରାଉଣ୍ଡରେ ରୁଟଙ୍କ ରାଜ୍ ।  ଶତକ ହାସଲ କରି ସୃଷ୍ଟି କଲେ ନୂଆ ରେକର୍ଡ ।  ଟେଷ୍ଟ କ୍ୟାରିୟରର ୪୧ତମ ଟେଷ୍ଟ ଶତକ ହାସଲ କଲେ ଜୋ ରୁଟ୍ ।  ୨୪୨ ବଲରେ ୧୬୦ ରନ୍ କରି ଦମଦାର ଇନିଙ୍ଗସ ଖେଳି ପାଭିଲିୟନ ଫେରଛନ୍ତି ।  ଏହି ରେକର୍ଡ କରି ବର୍ତ୍ତମାନ ରିକି ପଣ୍ଟିଂ ସମକ୍ଷକ ହୋଇଛନ୍ତି ରୁଟ୍ । ଏହା ସହ ଧୀରେ ଧୀରେ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡର ନିକଟବର୍ତ୍ତୀ ହେଉଛନ୍ତି ।  ଟେଷ୍ଟ କ୍ରିକେଟରେ ୫୧ ତମ ଶତକ କରି ରେକର୍ଡର ଟପରେ ଅଛନ୍ତି ସଚିନ ।  ସବୁଠାରୁ ଅଧିକ ଶତକ କରିଥିବା ବ୍ୟାଟର ହେଉଛନ୍ତି ସଚିନ ।  ଦ୍ବିତୀୟରେ ଜାକ୍ କାଲିସ ଥିବା ବେଳେ ତୃତୀୟ ସ୍ଥାନକୁ ପହଞ୍ଚିଛନ୍ତି ଜୋ ରୁଟ୍ ।