ଧନତରେସରେ ବୋହି ନେଲେ ସୁନା, ଗହଣା । ଗୋଟିଏ ଦିନର ବୋହିନେଲେ ୨୫୦ କୋଟି ଟଙ୍କାର ସୁନା । ସୁନା ଦର ଏବେ ଆକାଶ ଛୁଆଁ । ତଥାପି କିଣିବାରେ ତିଳେମାତ୍ରେ କୁଣ୍ଠା ବୋଧ କଲେ ନାହିଁ ଗ୍ରାହକ । ରାଜ୍ୟର ବିଭିନ୍ନ ସହରାଞ୍ଚଳ, ଗ୍ରାମାଞ୍ଚଳରେ ଥିବା ସୁନା ଦୋକାନ ଗୁଡିକରେ ଗହଣା ଦୋକାନ ଓ ସୋରୁମ ଗୁଡିକରେ ଭିଡ଼ ଦେଖିବାକୁ ମିଳିଥିଲା ।
ଭୁବନେଶ୍ବର ସମେତ କଟକ , ସମ୍ବଲପୁର, ବ୍ରହ୍ମପୁର , ରାଉରକେଲା ଓ ପୁରୀ ଆଦି ସହରରେ ବଡ଼ ସୋରୁମ ଗୁଡ଼ିକରେ ଅଧିକ ଭିଡ଼ ହୋଇଥିଲା । ଧନତରେସରେ ମୂଲ୍ୟବାନ ଧାତୁ କିଣିଲେ ଘରକୁ ଲକ୍ଷ୍ମୀ ଆସନ୍ତି ବୋଲି ବିଶ୍ବାସ ରହିଛି । ତେଣୁ ଏହି ଦିନରେ ସୁନା, ରୁପା ଓ ଅନ୍ୟ ମୂଲ୍ୟବାନ ଧାକୁ କିଣିବାକୁ ଲୋକଙ୍କ ମଧ୍ୟରେ ଆଗ୍ରହ ପ୍ରକାଶ ପାଇଥାଏ । ଗତବର୍ଷ ତୁଳନାରେ ଚଲିତବର୍ଷ ୧୮ ପ୍ରତିଶତ ଅଧିକ ବ୍ୟବସାୟ ହୋଇଛି।
