ହତ୍ୟାକାରୀକୁ ଆଜୀବନ ଓ ଦୁଷ୍କର୍ମକାରୀ ୧୦ ବର୍ଷ ଜେଲ

ବଲାଙ୍ଗୀର: ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଓ ତୁରେକେଲା ଥାନା ଅଞ୍ଚଳରେ ଘଟିଥିବା ୨ ଟି ମାମଲାର ବିଚାର କରି ଶନିବାର ହତ୍ୟାକାରୀଙ୍କୁ ଆଜୀବନ ଓ ଦୁଷ୍କର୍ମକାରୀଙ୍କୁ ୧୦ ବର୍ଷ ଜେଲ ଶୁଣାଇଛନ୍ତି କଣ୍ଟାବାଞ୍ଜି ଅତିରିକ୍ତ ଜିଲ୍ଲା ଓ ଦୌରାଜଜ୍ । ସୂଚନା ଅନୁସାରେ, ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଥାନା ଅଞ୍ଚଳର ଜଣେ ଦିବ୍ୟାଙ୍ଗ ନାବାଳିକାଙ୍କୁ ଦୁଷ୍କର୍ମ ହୋଇଥିଲା । ସେହି ଅଭିଯୋଗରେ ଜଣେ ଯୁବକଙ୍କୁ ୧୦ ବର୍ଷ ଜେଲ ଓ ୫୦ ହଜାର ଟଙ୍କା ଜରିମାନା ହୋଇଛି । ଅନ୍ୟଘଟଣା ଟି ତୁରେକେଲା ଥାନା ଖୁଜେନ ଗାଁରେ ଘଟିଥିଲା । ଗ୍ରାମର କେଦାର ମଲ୍ଲିକ ତାଙ୍କ ବନ୍ଧୁଙ୍କୁ ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ହତ୍ୟା କରିଥିଲା । ସେହି ସମୟରେ ତୁରେକେଲା ପୁଲିସ ଅଭିଯୁକ୍ତକୁ ଗିରଫ କରିଥିଲା । ତାକୁ ଆଜୀବନ କାରାଦଣ୍ଡ ସହ ୨୦ ହଜାର ଟଙ୍କା ଜରିମାନା ଶୁଣାଇଛନ୍ତି କଣ୍ଟାବାଞ୍ଜି ଅତିରିକ୍ତ ଜିଲ୍ଲା ଓ ଦୌରାଜଜ୍ ହିମାଂଶୁ ଶେଖର ମଲ୍ଲିକ । ଏନେଇ ସରକାରୀ ଓକିଲ ପ୍ରମୋଦ କୁମାର ପାଣିଗ୍ରାହୀ ସୂଚନା ଦେଇଛନ୍ତି ।