କିବ୍ : ଆମେରିକା ଗୁଇନ୍ଦା ସୂଚନା ପ୍ରଦାନ ବନ୍ଦ କରିବା ପରେ ବଡ଼ ସମସ୍ୟାରେ ପଡ଼ିଯାଇଛି ୟୁକ୍ରେନ । ଏହା ଫଳରେ ରୁଷ ଆକ୍ରମଣର ପୂର୍ବାନୁମାନ କରିବା ଯୁକ୍ରେନ ପାଇଁ କଠିନ ହୋଇପଡ଼ିଛି । ଗତ କାଲି ରାତିରେ ରୁଷ ପକ୍ଷରୁ ୟୁକ୍ରେନ ଉପରେ ଏକ ବଡ଼ ଏୟାର ଷ୍ଟ୍ରାଇକ୍ କରାଯାଇଛି । ୟୁକ୍ରେନର ଅଶାନ୍ତ ଡୋନେସ୍କ ଅଞ୍ଚଳର ଏକ ସହର ଉପରେ ରୁଷ୍ ଏହି ଆକ୍ରମଣ କରିଛି। ରୁଷ ଆକ୍ରମଣରେ ୧୧ ଜଣଙ୍କ ମୃତ୍ୟୁ ଘଟିଥିଲା। ଏଥିରେ ଅନେକ ଲୋକ ଆହତ ହୋଇଛନ୍ତି। ୟୁକ୍ରେନ ସହ ସାଟେଲାଇଟ୍ ଫଟୋ ସେୟାର କରିବା ବନ୍ଦ କରିବାକୁ ଆମେରିକା ନିଷ୍ପତ୍ତି ନେବା ପରେ ରୁଷିଆ ଏକାଧିକ ଏୟାରଷ୍ଟ୍ରାଇକ୍ ଆରମ୍ଭ କରିଛି।
ଶୁକ୍ରବାର ବିଳମ୍ବିତ ରାତିରେ ରୁଷସେନା ଅନେକ ଥର ଆକ୍ରମଣ କରିଥିଲା। ମିଳିଥିବା ସୂଚନା ଅନୁଯାୟୀ, ଏହି ଆକ୍ରମଣରେ ୩୦ ଜଣ ଆହତ ହୋଇଛନ୍ତି, ଯେଉଁଥିରେ ଡୋବ୍ରୋପିଲିଆ ସହରରେ କ୍ଷତିଗ୍ରସ୍ତ ହୋଇଥିବା ୮ଟି ଆପାର୍ଟମେଣ୍ଟ ବ୍ଲକ୍ ମଧ୍ୟ ରହିଛି। ୟୁକ୍ରେନର ସରକାରୀ ଜରୁରୀକାଳୀନ ସେବା କହିଛି ଯେ ଋଷିଆର ଏକ ଡ୍ରୋନ ୟୁକ୍ରେନର ଏକ ଅଗ୍ନିଶମ ଟ୍ରକକୁ କ୍ଷତି ପହଞ୍ଚାଇଥିବା ବେଳେ ଉଦ୍ଧାରକାରୀ ଦଳ ଜଳୁଥିବା କୋଠାଗୁଡ଼ିକୁ ଲିଭାଇବା ପାଇଁ ସଂଘର୍ଷ କରୁଛନ୍ତି।
