୧୯ ବର୍ଷରୁ କମ୍ ବିଶ୍ବକପ୍ ଫାଇନାଲ : ୧୦୦ ରନ୍ ରେ ଇଂଲଣ୍ଡକୁ ହରାଇଲା ଭାରତ, ୬ଷ୍ଠ ଥର ହେଲା ଚାମ୍ପିଅନ

୧୯ ବର୍ଷରୁ କମ୍ ବିଶ୍ବକପ୍ ଫାଇନାଲ ଜିତିଲା ଭାରତ । ଇଂଲଣ୍ଡକୁ ହରାଇ ଚାମ୍ପିଅନ ହୋଇଛି ଭାରତ । ୧୦୦ ରନ୍ ରେ ଫାଇନାଲ ଜିତିଛି ଭାରତ। ପ୍ରଥମେ ବ୍ୟାଟିଂ କରି ଇଂଲଣ୍ଡ ଆଗରେ ୪୧୨ ରନ୍ ଟାର୍ଗେଟ ରଖିଥିଲା ଭାରତ । ୪୧୨ ରନ୍ ର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିଥିବା ଇଂଲଣ୍ଡ ୪୦.୨ ଓଭରରେ ସମସ୍ତ ୱିକେଟ୍ ହରାଇ ୩୧୧ ରନ୍ ସଂଗ୍ରହ କରିଥିଲା । ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୯ଟି ୱିକେଟ୍ ହରାଇ ୪୧୧ ରନ୍ ସଂଗ୍ରହ କରିଥିଲା। ତେବେ ଆଜିର ଫାଇନାଲ ଜିତି ୬ଷ୍ଠ ଥର ପାଇଁ U-19 ବିଶ୍ବକପ୍ ଜିତିଛି ଭାରତ । ଦଳ ପକ୍ଷରୁ ବୈଭବ ସୂର୍ଯ୍ୟବଂଶୀ ଖେଳିଥିଲେ ବିସ୍ଫୋରକ ଇନିଂସ । ମାତ୍ର ୮୦ ବଲରେ ୧୭୫ ରନ୍ କରି ରେକର୍ଡ କରିଥିଲେ ବୈଭବ ସୂର୍ଯ୍ୟବଂଶୀ । ଇଂଲଣ୍ଡ ବୋଲରଙ୍କୁ ପ୍ରବଳ ପ୍ରହାର କରିଥିଲେ ଟିମ୍ ଇଣ୍ଡିଆର ଯୁବ ଖେଳାଳି। ବୈଭବଙ୍କ ସାଥ୍ ଦେଇଥିଲେ କ୍ୟାପଟେନ ଆୟୁସ ମହାତ୍ରେ । ୫୧ ବଲରେ ୫୩ ରନ କରି ଆଉଟ୍ ହୋଇଥିଲେ ।