ରାଉଲକେଲା : ରାଉଲକେଲାରେ ଚ୍ୟାଞ୍ଚଲ ସୃଷ୍ଟି କରିଥିବା କୁଖ୍ୟାତ ଡ଼କାୟତ ଗ୍ୟାଙ୍କକୁ ଧରିବାକୁ ସକ୍ଷମ ହୋଇଛି ପୁଲିସ । ରାଉରକେଲା ଲାଠିକଟା ନିକଟରେ ଭୋର ୫.୩୦ ମିନିଟ୍ରେ ୩ଜଣ ଅପରାଧୀଙ୍କୁ ଏନକାଉଣ୍ଟର୍ କରିଥିଲା ପୁଲିସ। ସୁନ୍ଦରଗଡ଼ ଜିଲାର ବିଭିନ୍ନ ଡ଼କାୟତି ଘଟଣାରେ ସଂପୃକ୍ତ ଥିବା ଜଣ ଅପରାଧୀଙ୍କୁ ଗିରଫ କରିଛି ପୁଲିସ । ଏହି ଅପରାଧୀମାନଙ୍କୁ ଧରିବା ବେଳେ ପୁଲିସ ଟିମ୍ କୁ ଚକମା ଦେବା ସମୟରେ ୩ଜଣକୁ ଏନକାଉଣ୍ଟର କରିବା ସହ ୫ ଜଣକୁ ଧରିବାରେ ସକ୍ଷମ ହୋଇଛି ରାଉରକେଲା ପୁଲିସ ।
ସୂଚନା ଅନୁସାରେ ପୁଲିସ ଅପରାଧୀଙ୍କ ପିଛା କରୁଥିବା ଦେଖି ପୁଲିସ ଉପରକୁ ଡ଼କାୟତି ମାନେ ଗୁଳି ଚାଳନା କରିଥିଲେ । ଫଳରେ ପୁଲିସର ପାଲଟା ଆକ୍ରମଣରେ ଡ଼କାୟତି ମାନେ ଧରାପଡିଛନ୍ତି । ଏନକାଉଣ୍ଟରରେ ଆହତ ହୋଇଥିବା ତିନି ଜଣ ଅପରାଧୀ ରାଉରକେଲା ସରକାରୀ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଏହି ଡ଼କାୟତି ମାନେ କୋଇଡ଼ା ଓ ବିଭିନ୍ନ ଖଣି ଅଞ୍ଚଳରେ ଲୁଟ୍ ଘଟଣାରେ ସଂପୁକ୍ତି ରେ ଥିଲେ । ଘଟଣାସ୍ଥଳରେ ଡ଼କାୟତି ମାନଙ୍କ ପାଖରୁ ୩ଟି ପିସ୍ତଲ ଓ ଗୋଟିଏ ବାଇକ୍ ଜବତ କରିଛି ପୁଲିସ ।
