ଆଦିବାସୀ ନାବାଳିକାକୁ ବେଆଇନ ପ୍ରସବ କରାଇବା ମାମଲାରେ ୪ ଗିରଫ । ସରକାରୀ ଡାକ୍ତରଖାନାର ଫାର୍ମାସିଷ୍ଟ, ବେସରକାରୀ ନର୍ସିଂହୋମ ମ୍ୟାନେଜର, ଗର୍ଭବତୀ କରାଇଥିବା ଯୁବକକୁ ମିଶାଇ ମୋଟ ୪ ଜଣ ଗିରଫ ହୋଇଛନ୍ତି । ସୁନ୍ଦରଗଡ ବିଶ୍ରା ଥାନାରେ ଏହି ମାମଲା ରୁଜୁ ହୋଇଥିଲା । ଡାକ୍ତର ଜଣଙ୍କ ନାବାଳିକାକୁ ପ୍ରସବ କରାଇ ନବଜାତକ ଶିଶୁକୁ ନିଜ ଘରକୁ ନେଇଯାଇଥିଲେ ବୋଲି ଜଣାପଡିଛି । କିନ୍ତୁ ଲୋକଙ୍କୁ କୁହାଯାଇଥିଲା ଯେ ଶିଶୁଟିର ମୃତ୍ୟ ହୋଇଯାଇଛି । ପରେ କିନ୍ତୁ ଡାକ୍ତରଙ୍କ ଘରୁ ଉଦ୍ଧାର ହୋଇଛି ନବଜାତକ ଶିଶୁ କନ୍ୟା । ତେବେ ପୋଲିସ ସାଙ୍ଗରେ ସିଡବ୍ଲୁସି ଟିମ ଯାଇ ଶିଶୁଟିକୁ ଉଦ୍ଧାର କରିଛି । ବିଶ୍ରା ପୋଲିସ ଏହି ମାମଲାର ତଦନ୍ତ କରି ସମସ୍ତ ୪ ଅଭିଯୁକ୍ତଙ୍କୁ ଗିରଫ କରିଛି । ଘଟଣାର ତଦନ୍ତ କରୁଛନ୍ତି ଜନେ ଡିଏସପି ପାହ୍ୟାର ମହିଳା ଅଧିକାରୀ ।
