କନଷ୍ଟେବଳଙ୍କ ନାଁରେ ଅସଦାଚରଣ ଅଭିଯୋଗ ଆଣିଲେ ମହିଳା ହୋମଗାର୍ଡ । ଏଭଳି ସମ୍ବେଦନଶୀଳ ଘଟଣା ଘଟିଛି ବାଲେଶ୍ଵରରେ । ମହିଳା ହୋମଗାର୍ଡ ଜଣଙ୍କ ରିଜର୍ଭ ପୁଲିସ ଲାଇନ୍ ସଂସ୍କୃତି ଭବନରେ ଡ୍ୟୁଟିରେ କାର୍ଯ୍ୟରତ ଥିବା ବେଳେ କନଷ୍ଟେବଳ ଅଲିଫ କୁମାର ଦାସ ତାଙ୍କୁ ଅଶାଳୀନ ବ୍ୟବହାର ସହ ଅସଦାଚରଣ କରିଥିବା ଅଭିଯୋଗ ଆଣିଛନ୍ତି । ଏନେଇ ମହିଳା ହୋମଗାର୍ଡ ଜଣକ ଗତ ସେପ୍ଟେମ୍ବର ୨୨ରେ ସ୍ଥାନୀୟ ଆରଆଇଙ୍କୁ ଲିଖିତ ଅଭିଯୋଗ କରିଥିଲେ ।
ଅସହାଚରଣ ନେଇ ଗତ ୩ ଅକ୍ଟୋବରରେ ସହଦେବ ଖୁଣ୍ଟା ଥାନା ରେ ଅଭିଯୋଗ ଆଣିଥିଲେ ଏପରିକି ଡାକ ଯୋଗେ ଜିଲ୍ଲା ଆରକ୍ଷୀ ଅଧିକାରୀ ଙ୍କୁ ଜଣାଇ ଥିଲେ । କିନ୍ତୁ ପୁଲିସ୍ କୌଣଷି ପଦକ୍ଷେପ ନନେବା ଯୋଗୁଁ ବାଧ୍ୟ ହୋଇ ମହିଳା ହୋମଗାର୍ଡ ଜଣକ ନ୍ୟାୟ ପାଇଁ ଜିଲ୍ଲା ସ୍ଵତନ୍ତ୍ର ଏସସି,ଏସ ଟି କୋର୍ଟ ରେ ମାମଲା ରୁଜୁ କରିଛନ୍ତି ।
ଅନ୍ୟପଟେ ମାମଲାକୁ ଚପାଇବା ପାଇଁ କନଷ୍ଟେବଳ ସଂଘର ସଭାପତି ହାବିଲଦାର ମାନସ କୁମାର ପାଣିଗ୍ରାହୀ ମହିଳା ହୋମଗାର୍ଡଙ୍କୁ ବାରମ୍ବାର ଚାପ ପ୍ରୟୋଗ କରିବା ସହ ମହିଳା ହୋମଗାର୍ଡଙ୍କୁ ଜାତି ଲଗାଇ ଗାଳିଗୁଲଜ କରିଥିବା ମଧ୍ୟ ଅଭିଯୋଗ ହୋଇଛି । ଘଟଣାରେ ନ୍ୟାୟ ନପାଇଲା ପର୍ଯ୍ୟନ୍ତ ଓହରିବେ ନାହିଁ ବୋଲି ଚେତାବନୀ ଦେଇଛନ୍ତି ମହିଳା ହୋମଗାର୍ଡ ଜଣକ ।
