ଟମାଟୋ କେବଳ ଖାଦ୍ୟର ସ୍ୱାଦ ବଢାଇନାଥାଏ ବରଂ ଏହା ଆମ ତ୍ୱଚା ପାଇଁ ମଧ୍ୟ ଅତ୍ୟନ୍ତ ଲାଭଦାୟକ ହୋଇଥାଏ । ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର ଟମାଟୋ କେବଳ ତ୍ୱଚାର ରଙ୍ଗକୁ ଉନ୍ନତ କରେ ନାହିଁ ବରଂ ବ୍ରଣକୁ ମଧ୍ୟ ହ୍ରାସ କରିଥାଏ ଏବଂ ତ୍ୱଚାକୁ ଇନଷ୍ଟାଣ୍ଟ ନ୍ୟାଚୁରାଲ ଗ୍ଲୋ ଦେଇଥାଏ । ଯଦି ଆପଣଙ୍କ ସ୍କିନରେ ଦାଗ ଏବଂ ଟ୍ୟାନିଂ ଅଛି, ତେବେ ଟମାଟୋ ଫେସ୍ ପ୍ୟାକ୍ ପ୍ରସ୍ତୁତ କରନ୍ତୁ ଏବଂ ଏଥିରୁ ମୁକ୍ତି ପାଇବା ପାଇଁ ଏହାକୁ ପ୍ରୟୋଗ କରନ୍ତୁ ।
ବାସ୍ତବରେ, ଟମାଟୋ ଲାଇକୋପିନରେ ଭରପୂର ଅଟେ । ତେଣୁ, ପ୍ରତିଦିନ ଟମାଟୋ ବ୍ୟବହାର କରିବା ଦ୍ୱାରା ତ୍ୱଚାରୁ ଡାର୍କ ସ୍ପଟ ଦୂର ହୋଇଯାଏ ଏବଂ ରଙ୍ଗରେ ଉନ୍ନତି ହୋଇଥାଏ । ଏହାର ଅମ୍ଳୀୟ ଗୁଣ ଯୋଗୁଁ ଏହା ପିମ୍ପଲ ପାଇଁ ବହୁତ ଲାଭଦାୟକ ହୋଇଥାଏ । ତେବେ ସ୍କିନ ପାଇଁ ଆପଣ ଟମାଟୋକୁ କେତେ ଉପାୟରେ ବ୍ୟବହାର କରିପାରିବେ ଆସନ୍ତୁ ଜାଣିବା ।
ଏହି ଉପାୟରେ ବ୍ୟବହାର କରନ୍ତୁ ଟମାଟୋ:
ଟମାଟୋ ଏବଂ ମହୁ: ଟମାଟୋ ଏବଂ ମହୁର ମିଶ୍ରଣ ତ୍ୱଚାକୁ ସଫା କରିଥାଏ ଏବଂ ପିମ୍ପଲ୍ ତଥା ବ୍ରଣରୁ ମଧ୍ୟ ମୁକ୍ତି ପାଇଥାଏ । ଏହା ମୁହଁରେ ଜମା ହୋଇଥିବା ଏକ୍ସଟ୍ରା ଅଏଲକୁ ସଫା କରିବାରେ ମଧ୍ୟ ପ୍ରଭାବଶାଳୀ ହୋଇଥାଏ । ଏଥିପାଇଁ ପ୍ରଥମେ ଏହାକୁ ଗ୍ରାଇଣ୍ଡିଂ କରି ଦିଅନ୍ତୁ ଏବଂ ଏଥିରେ ଏକ ଚାମଚ ମହୁ ମିଶାନ୍ତୁ । ବର୍ତ୍ତମାନ ଏହି ପେଷ୍ଟକୁ 20 ମିନିଟ୍ ପାଇଁ ମୁହଁରେ ଲଗାଇ ଛାଡିଦିଅନ୍ତୁ । ମୁହଁରେ ଲଗାଯାଇଥିବା ଏହି ପ୍ୟାକ୍ ଶୁଖିଗଲେ ଏହାକୁ ପାଣିରେ ଧୋଇ ଦିଅନ୍ତୁ ।
ଟମାଟୋ ଏବଂ ଲେମ୍ବୁ: ଉଭୟ ଟମାଟୋ ଏବଂ ଲେମ୍ବୁରେ ଭିଟାମିନ୍ ସି ଭରପୂର ମାତ୍ରାରେ ରହିଥାଏ । ଟମାଟୋ ଏବଂ ଲେମ୍ବୁର ମିଶ୍ରଣ ତ୍ୱଚାର ଏକ୍ସଟ୍ରା ଅଏଲ ହ୍ରାସ କରି ସ୍କିନକୁ ଚମକାଇଥାଏ । ଏଥିପାଇଁ ଟମାଟୋକୁ ଗ୍ରାଇଣ୍ଡ୍ କରନ୍ତୁ ଏବଂ ଏଥିରେ ଏକ ଚାମଚ ଲେମ୍ବୁ ରସ ମିଶାନ୍ତୁ ଏବଂ ଏହି ପେଷ୍ଟକୁ କିଛି ସମୟ ମୁହଁରେ ଛାଡି ଦିଅନ୍ତୁ ଏବଂ ପରେ ମୁହଁକୁ ସାଧା ପାଣିରେ ଧୋଇ ଦିଅନ୍ତୁ ।
ଟମାଟୋ ଏବଂ ଚିନି: ଯଦି ଆପଣ ଡେଡ୍ ସ୍କିନ ସେଲରୁ ମୁକ୍ତି ପାଇବାକୁ ଚାହୁଁଛନ୍ତି, ତେବେ ଟମାଟୋ ଏବଂ ଚିନିର ଏକ ସ୍କ୍ରବ୍ ପ୍ରସ୍ତୁତ କରନ୍ତୁ । ଏଥିପାଇଁ ଟମାଟୋର ରସ ବାହାର କରନ୍ତୁ । ଏଥିରେ ଏକ ଚାମଚ ଚିନି ମିଶାନ୍ତୁ, ତା’ପରେ ଏହି ମିଶ୍ରଣକୁ ଭଲ ଭାବରେ ମିଶାନ୍ତୁ ଏବଂ ଏହାକୁ ଧୀରେ ଧୀରେ ମୁହଁରେ ମାଲିସ କରନ୍ତୁ । ଏହି ପ୍ୟାକକୁ କିଛି ସମୟ ମୁହଁରେ ଛାଡିଦିଅନ୍ତୁ ଏବଂ ଯେତେବେଳେ ଏହା ଶୁଖିଯିବ ମୁହଁକୁ ପାଣିରେ ଧୋଇଦିଅନ୍ତୁ । ଏହା ତ୍ୱଚାରେ ଏକ ନ୍ୟାଚୁରାଲ ଗ୍ଲୋ ଆଣିଥାଏ ।
