ବନ୍ଧୁଙ୍କୁ ରକ୍ତ କର୍କଟ ହେବା ଜାଣି ଦୁଃଖିତ କପିଳ ଦେବ: ସାଥୀ କ୍ରିକେଟରଙ୍କ ଚିକିତ୍ସା ପାଇଁ ନିଜ ପେନସନ ଦାନ କରିବାକୁ କଲେ ଘୋଷଣା

ବନ୍ଧୁଙ୍କ ପାଇଁ ଚିନ୍ତାରେ ବରିଷ୍ଠ ପୂର୍ବତନ କ୍ରିକେଟର କପିଲ ଦେବ । ସାହାଯ୍ୟ ପାଇଁ ଆଗଇେ ଆସିଲେ ପୂର୍ବତନ କ୍ରିକେଟର । ଭାରତୀୟ କ୍ରିକେଟ ଦଳର ପୂର୍ବତନ ଖେଳାଳୀ ତଥା କୋଚ ଅଂଶୁମାନ ଗାୟକୱାଡଙ୍କ ଚିକିତ୍ସା ପାଇଁ ଯଦି ଆବଶ୍ୟକ ପଡେ ତେବେ ନିଜ ପେନସନ ଅର୍ଥ ରାଶି ଦେବେ ବୋଲି ଘୋଷଣା କରିଛନ୍ତି । ଭାରତୀୟ କ୍ରିକେଟ ଦଳର ପୂର୍ବତନ ଖେଳାଳୀ ତଥା କୋଚ ଅଂଶୁମାନ ଗାୟକୱାଡ ରକ୍ତ କର୍କଟରେ ପୀଡିତ ଥିବାରୁ ତାଙ୍କ ଚିକିତ୍ସା ପାଇଁ ଅଧିକରୁ ଅଧିକ ଅର୍ଥ ଦରକାର । ତେଣୁ ବିସିସିଆଇଠୁ ଆର୍ଥିକ ସହଯୋଗ ଲୋଡିଛନ୍ତି । କପିଲ ଦେବ, ମହିନ୍ଦର ଅମରନାଥ, ସୁନୀଲ ଗାଭାସ୍କର, ସନ୍ଦିପ ପାଟିଲ, ଦିଲ୍ଲୀପ ଭେଂଗସକର, ମଦନଲାଲ, ରବି ଶାସ୍ତ୍ରୀ ଓ କିର୍ତି ଆଜାଦ ବନ୍ଧୁ ଅଂଶୁମାନଙ୍କ ଚିକିତ୍ସା ପାଇଁ ଅର୍ଥଯୋଗାଡ କରୁଛନ୍ତି । ଲଣ୍ଡନରେ ଅଂଶୁମାନ ଗାୟକୱାଡଙ୍କ ଚିକିତ୍ସା ଚାଲିଛି । କପିଲ ଏକଥା ମଧ୍ୟ କହିଛନ୍ତି କି ପୂର୍ବତନ କ୍ରିକେଟରଙ୍କ ପାଇଁ ବିସିସିଆଇ ଏକ ଟ୍ରଷ୍ଟ ଗଠନ କରିବା ଦରକାର ।