ପଶ୍ଚିମ ଏସିଆ ଯୁଦ୍ଧ ପାଇଁ ଦେଶରେ ଏଲପିଜି ସଂକଟ ଏବେ ବି ଚିନ୍ତାଜନକ ରହିଛି। ଏହା ସତ୍ତ୍ବେ ଯୋଗାଣ ନେଇ କେହି ଭୟଭୀତ ନହୋଇ ବିଚାରବନ୍ତ ଭାବେ ଏଲ୍ପିଜି ବ୍ୟବହାର ପାଇଁ କେନ୍ଦ୍ର ସରକାର ପରାମର୍ଶ ଦେଇଛନ୍ତି। ବିଗତ କିଛିଦିନ ମଧ୍ୟରେ ଦେଶରେ ୧୨ ହଜାର ଚଢ଼ଉ କରାଯାଇ ୧୫ ହଜାର ଏଲ୍ପିଜି ଜବତ କରାଯାଇଛି। ଗତକାଲି ଦିଲ୍ଲୀରେ ୬୦୦ ସିଲିଣ୍ଡର ଜବତ କରାଯାଇଛି। ଏଲପିଜି ବୁକିଂ ସଂଖ୍ୟା ଗତ ୧୩ ତାରିଖରେ ୮୮.୮ ଲକ୍ଷକୁ ବଢ଼ି ଯାଇଥିଲା। ଲୋକମାନେ ଗ୍ୟାସ୍ ନମିଳିବା ଭୟରେ ଅଧିକରୁ ଅଧିକ ସଂଖ୍ୟାରେ ଏଲ୍ପିଜି ବୁକିଂ କରୁଥିଲେ। ଏହି ସଂଖ୍ୟା ଗତକାଲି ୭୭ ଲକ୍ଷକୁ ହ୍ରାସ ପାଇଛି। କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରାଳୟର ଯୁଗ୍ମ ସଚିବ ସୁଜାତା ଶର୍ମା ଏଲ୍ପିଜି ସ୍ଥିତି ଚିନ୍ତାଜନକ ଥିବା ବିଷୟକୁ ଦୋହରାଇବା ସହ ଆଜି ଏହି ତଥ୍ୟ ରଖିଛନ୍ତି। କିନ୍ତୁ କୌଣସି ବିତରକଙ୍କ ନିକଟରେ ଏଲ୍ପିଜି ସଂପୂର୍ଣ୍ଣ ଶେଷ ହୋଇଯାଇ ନାହିଁ। ସେହିଭଳି ଏଲ୍ପିଜି ଯୋଗାଣ ଏବଂ ସିଲିଣ୍ଡର ଡେଲିଭରି ସ୍ବାଭାବିକଭାବେ ଚାଲିଛି ବୋଲି ଶ୍ରୀମତୀ ଶର୍ମା କହିଛନ୍ତି। ଦେଶରେ ଅନଲାଇନ୍ ଗ୍ୟାସ୍ ବୁକିଂ ବଢ଼ିଛି। ଆଜି ସୁଦ୍ଧା ୯୪ ପ୍ରତିଶତ ସିଲିଣ୍ଡର ଅନଲାଇନ୍ରେ ବୁକିଂ ହେଉଛି। ସେହିଭଳି ଓଟିପି ମାଧ୍ୟମରେ ଡେଲିଭରି ମଧ୍ୟ ବଢ଼ି ୭୬ ପ୍ରତିଶତରେ ପହଞ୍ଚିଛି। ବାଣିଜ୍ୟିକ ଏଲ୍ପିଜି ଆଂଶିକ ମାତ୍ରାରେ ଯୋଗାଇ ଦିଆଯାଉଛି।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net