ଖାନନଗର ସ୍ୱର୍ଗଧାମରେ ସୋମବାର ସହିଦ ଦିବସ ପାଳିତ ପାଳିତ ହୋଇଯାଇଛି । ବୀର ପ୍ରସବିନୀ ଭାରତ ମାତାର ସହିଦ ମାନଙ୍କୁ ଶ୍ରଦ୍ଧାଞ୍ଜଳି ଦେବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ହୋଇଥିଲା । ଏହି ଅବସରରେ ସମୂହ ଦୀପଦାନ କରା ଯାଇଥିଲା । ‘ପବିତ୍ର ଏଣ୍ଟରଟେନମେଣ୍ଟ’ ତରଫରୁ ସ୍ୱର୍ଗଧାମକୁ ନେଇ ପ୍ରସ୍ତୁତ ବୃତ୍ତଚିତ୍ର ପଦର୍ଶନ କରାଯିବା ସହ ସହିଦଙ୍କ ଉଦେଶ୍ୟରେ ସ୍ମୃତିଚାରଣ କରାଯାଇଥିଲା ।
ଅବସରପ୍ରାପ୍ତ ବରିଷ୍ଠ ସୈନିକ ସଚ୍ଚିକାନ୍ତ ନାଥ, ଖାନନଗର ପୂର୍ବାଞ୍ଚଳ ସମ୍ପାଦକ ପ୍ରଫୁଲ କୁମାର ସାହୁ, ସ୍ୱର୍ଗଧାମର ପ୍ରତିଷ୍ଠାତା ଶରତ କୁମାର ସାହୁଙ୍କ ସମେତ ଅନେକ ଅବସରପ୍ରାପ୍ତ ବରିଷ୍ଠ ସୈନିକ ସହିଦଙ୍କ ପ୍ରତିମୂର୍ତ୍ତି ଠାରେ ମାଲ୍ୟାର୍ପଣ କରିବା ସହ ଦୀପଦାନ କରିଥିଲେ । ବିଶ୍ୱରେ ଲାଗି ରହିଥିବା ଯୁଦ୍ଧର ଅନ୍ତ ଓ ବିଶ୍ୱ ଶାନ୍ତି ପାଇଁ ନୀରବ ପାର୍ଥନା କରା ଯାଇଥିଲା । ଏହି ଅବସରରେ ସ୍ୱର୍ଗଧାମର ପ୍ରତିଷ୍ଠାତା ଶରତ କୁମାର ସାହୁ ଶିଶୁ ସ୍ମଶାନ ସ୍ୱପ୍ନର ଗଙ୍ଗା ନିର୍ମାଣ ନେଇ ସମ୍ୟକ ଭାବେ ବିବରଣୀ ପ୍ରଦାନ କରିଥିଲେ । ଉପସ୍ଥିତ ଥିବା ଅବସର ପ୍ରାପ୍ତ ବରିଷ୍ଠ ସୈନିକ ସମୁହ ଏଥିରେ ତାଙ୍କୁ ସହଯୋଗର ହାତ ବଢାଇବାକୁ ପ୍ରତିଶୃତି ଦେଇଥିଲେ । ପବିତ୍ର ନାୟକଙ୍କ ତତ୍ୱାବଧାନରେ ପବିତ୍ର ଏଣ୍ଟରଟେନମେଣ୍ଟ ତରଫରୁ ସ୍ୱର୍ଗଧାମକୁ ନେଇ ପ୍ରସ୍ତୁତ ବୃତ୍ତଚିତ୍ର ପଦର୍ଶନ କରାଯିବା ସହ ସହିଦଙ୍କ ଉଦେଶ୍ୟରେ ସ୍ମୃତିଚାରଣ କରାଯାଇଥିଲା । ଏହି କାର୍ଯ୍ୟକ୍ରମକୁ ସୁଚାରୁରୂପରେ ପରିଚାଳନା କରିବାରେ ମିହିର କୁମାର ସାହୁ, ରେସ୍ମା ମହାରଣା, ମହେଶ୍ୱର ମଲିକ, ପଙ୍କଜ ସାହୁ ଏବଂ ପ୍ରଶାନ୍ତ ଆଚାର୍ଯ୍ୟ ପ୍ରମୁଖ ସହଯୋଗ କରିଥିଲେ ।
…
