ଅନୁଗୋଳ : ଅନୁଗୋଳ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଅଗ୍ନିଶମ ବିଭାଗ ପକ୍ଷରୁ ମକଡ୍ରିଲ କରାଯାଇଛି । ପ୍ରାକୃତିକ ବିପର୍ଯ୍ୟୟ କିଭଳି ଭାବେ ପରିଚାଳନା କରାଯାଇ ପାରିବ ସେ ସଂପର୍କରେ ଲୋକମାନଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଥିଲା । ଏହି ପରିପ୍ରେକ୍ଷୀରେ ଆକସ୍ମିକ ଅଗ୍ନିକାଣ୍ଡ ଓ ବିଦ୍ୟୁତ ସର୍ଟସର୍କିଟ ଜନିତ ଅଗ୍ନିକାଣ୍ଡ ବେଳେ କିଭଳି ଲୋକଙ୍କୁ ଉଦ୍ଧାର କରାଯିବା ସହ ବନ୍ୟା ସମୟରେ ଲାଇଫ ଜ୍ୟାକେଟ ଲୋକଙ୍କୁ ପିନ୍ଧାଇ ପାଣିରେ ବୁଡ଼ିଯାଉଥିବା ଲୋକଙ୍କର କିଭଳି ଜୀବନ ରକ୍ଷା କରାଯାଇ ପାରିବ ସେ ନେଇ ଶିକ୍ଷା ପ୍ରଦାନ କରାଯାଇଥିଲା ।
ସେହିପରି ସିଡ଼ି ଓ ରସି ସାହାଯ୍ୟରେ ଛାତ କିମ୍ବା ବହୁତଳ ବିଶିଷ୍ଟ କୋଠା ଅଟାଳିକା ଉପରୁ ଲୋକଙ୍କୁ ଉଦ୍ଧାର କରିହେବ ସେନେଇ ପ୍ରଶିକ୍ଷଣ ପ୍ରଦାନ କରାଯାଇଥିଲା । ରୋଷେଇ ସମୟରେ ଗ୍ୟାସ ଟାଙ୍କିରେ ହଠାତ ନିଆଁ ଲାଗିଲେ ଚାଦର ହଉ କିମ୍ବା ବାଲତି ଭଳି ସାମଗ୍ରୀ ଘୋଡ଼ାଇ କିଭଳି ଲିଭାଯାଇ ପାରିବ ସେ ସଂପର୍କରେ ଉପସ୍ଥିତ ଅଧିକାରୀମାନେ ଶିକ୍ଷା ଦେଇଥିଲେ।
