ବନ୍ଧମୁଣ୍ଡା ସିଏଏସ୍‌ଟି କଲେଜ ଛାତ୍ରୀଙ୍କ କମାଲ୍‌: ଦିଲ୍ଲୀ ପ୍ୟାରେଡ୍‌ରେ ଯୋଗଦେବେ ରତିକା

ରାଉରକେଲା: ନୂଆଦିଲ୍ଲୀରେ ହେବାକୁ ଥିବା ଗଣତନ୍ତ୍ର ଦିବସ ଜାତୀୟ ପ୍ୟାରେଡ୍‌ରେ ଓଡ଼ିଶା ଦଳର ପ୍ରତିନିଧିତ୍ବ କରିବେ ସ୍ଥାନୀୟ ବନ୍ଧମୁଣ୍ଡା କଲେଜର ଛାତ୍ରୀ। ବନ୍ଧମୁଣ୍ଡାସ୍ଥ କଳା, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ମହାବିଦ୍ୟାଳୟ (ସି.ଏ.ଏସ୍.ଟି) ର ବାଣିଜ୍ୟ ଅନ୍ତିମ ବର୍ଷର ଛାତ୍ରୀ ରିତିକା ମହାତୋ ସାମିଲହେବାକୁ ଯୋଗ୍ୟା ବିବେଚିତ ହୋଇଛନ୍ତି।ଚଳିତ ବର୍ଷ ରାଜ୍ୟର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟର ମୋଟ ୮ ଜଣ ଛାତ୍ରଛାତ୍ରୀ ପ୍ୟାରେଡ୍‌ ପ୍ରଦର୍ଶନ କରିବେ। ସେମାନଙ୍କ ମଧ୍ୟରୁ ରିତିକା ସମ୍ବଲପୁର ବିଶ୍ୱବିଦ୍ୟାଳୟରୁ ଏକମାତ୍ର ଛାତ୍ରୀ ଭାବେ ରାଜ୍ୟ ଦଳ ପାଇଁ ଚୟନ ହୋଇଛନ୍ତି। ଏହି ସଫଳତା ପାଇଁ କଲେଜ କର୍ତ୍ତୃପକ୍ଷ ଶୁଭେଚ୍ଛା ଜଣାଇଛନ୍ତି।