ଭୁବନେଶ୍ୱର : ବଡ଼ଗଡ଼ ବ୍ରିଟ କଲୋନୀରେ ଯୁବକଙ୍କ ସନ୍ଦେହ ଜନକ ମୃତ୍ୟୁ I ସନ୍ଦେହ ଘେରରେ ୨ ଯୁବତୀ । ଝୁଲନ୍ତା ଅବସ୍ଥାରେ ଥିବା ଯୁବକଙ୍କ ନିକଟରୁ ମୋବାଇଲ ନେଇ ଛୁ ମାରିଲେ ୨ ଯୁବତୀ । ଯାହାକୁ ନେଇ ଚର୍ଚ୍ଚା ଜୋର ଧରିଛି । CCTV ରେ ଯୁବତୀଙ୍କ ଫୋଟୋ ଆସିବା ପରେ ଏହାକୁ ଦେଖି ସମ୍ପୃକ୍ତ ୨ ଯୁବତୀଙ୍କୁ ଖୋଜୁଛି ବଡଗଡ ଥାନା ପୋଲିସ ।କ୍ରାଇମ ସିନରେ ଥିଲେ ଯୁବତୀ I ଶେଷଥର ପାଇଁ ସିସିଟିଭିରେ ଦୁଇ ଯୁବତୀଙ୍କୁ ଏକ ସ୍କୁଟିରେ ଛୁ ମାରୁଥିବା ଦେଖିବାକୁ ମିଳିଛି I ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇଛି I ପୁଅର ଘର ଯାଜପୁର ଜିଲ୍ଲାର କୁଆଖିଆ ବୋଲି ଜଣାପଡିଛି । ତାଙ୍କ ନାମ ଶୁଭମ୍ ପଣ୍ଡା ବା ଗୁଡୁ । ଭୁବନେଶ୍ୱରରେ ଦୋକାନ କରିଥିଲେ ଶୁଭମ ।
ଏବେ ଭୁବନେଶ୍ୱରରେ ପହଂଚିଛନ୍ତି ତାଙ୍କ ପରିବାର ଲୋକେ । କଣ ପାଇଁ ତାଙ୍କର ମୃତ୍ୟୁ ହୋଇଛି କିମ୍ବା ତାଙ୍କୁ କିଏ ମାରିଦେଇଛି ସେ ନେଇ ଖୋଳତାଡ଼ କରୁଛି ପୋଲିସ I CCTV ରେ ଆସୁଥିବା ସେ ଯୁବତୀ କିଏ, ମୃତ୍ୟୁ ସହ ତାଙ୍କର କିଛି ସମ୍ପର୍କ ଅଛି କି ନାହିଁ ସବୁ ଦିଗରୁ ତଦନ୍ତ କରୁଛି ପୋଲିସ ।
