ଭୁବନେଶ୍ୱର : ଓଡ଼ିଶାରେ ଏପ୍ରିଲ ୧ରୁ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ, ୯୦% ଯାଞ୍ଚ ଶେଷ । ଓଡ଼ିଶାର ମୁଖ୍ୟ ନିର୍ବାଚନ ଅଧିକାରୀ ଆର୍. ସନ୍ଥଗୋପାଳନଙ୍କ ସୂଚନା ଅନୁଯାୟୀ, ଆସନ୍ତା ଏପ୍ରିଲ ୧, ୨୦୨୬ ରୁ ରାଜ୍ୟରେ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ କାର୍ଯ୍ୟ ଆରମ୍ଭ ହେବ । ଚଳିତ ୨୦୨୫ର ଭୋଟର ତାଲିକାକୁ ୨୦୦୨ର ପୁରୁଣା ତାଲିକା ସହିତ ମିଳାଯାଉଛି ।
ଏପର୍ଯ୍ୟନ୍ତ ପ୍ରାୟ ୯୦% ଭୋଟରଙ୍କ ତଥ୍ୟ ନାଁ ଏବଂ ପିତାଙ୍କ ନାଁ ସଫଳତାର ସହ ଯାଞ୍ଚ ସରିଛି । ବାକି ୧୦% ତଥ୍ୟ ମିଳାଇବାରେ ସହରାଞ୍ଚଳରେ କିଛି ସମସ୍ୟା ଦେଖାଦେଇଛି । ଯଦି ୯୫% ଯାଞ୍ଚ ଶେଷ ହୁଏ, ତେବେ ସଂଶୋଧନ ପ୍ରକ୍ରିୟା ବହୁତ ସହଜ ହେବ । ଯେଉଁ ଭୋଟରଙ୍କ ନାମ ୨୦୨୫ ତାଲିକାରେ ଆଗରୁ ଅଛି, ସେମାନଙ୍କୁ ପୁଣିଥରେ ଆଧାର କାର୍ଡ ଦେବାକୁ ପଡ଼ିବ ନାହିଁ ବୋଲି ସ୍ପଷ୍ଟ କରାଯାଇଛି । ଭୋଟରମାନେ ECINET ମୋବାଇଲ୍ ଆପ୍ ମାଧ୍ୟମରେ କିମ୍ବା QR କୋଡ୍ ବ୍ୟବହାର କରି ନିଜର ତଥ୍ୟ ଯାଞ୍ଚ କରିପାରିବେ । ଅଧିକ ସୂଚନା ପାଇଁ ସରକାରୀ ୱେବସାଇଟ୍ ceoodisha.nic.in ଦେଖନ୍ତୁ କିମ୍ବା ହେଲ୍ପଲାଇନ୍ ନମ୍ବର ୧୯୫୦କୁ କଲ୍ କରନ୍ତୁ ବୋଲି କହିଛନ୍ତି ମୁଖ୍ୟ ନିର୍ବାଚନ ଅଧିକାରୀ ।