କୌଣସି ବିଶେଷ ଉତ୍ସବରେ କାହାକୁ ଉପହାର ଦେଲେ ବା କାହାଠୁ ଉପହାର ପାଇଲେ ଭାରି ଖୁସି ଲାଗେ । ଯଦି କୌଣସି ଖାସ ଉତ୍ସବରେ କାହାକୁ କିଛି ଉପହାର ଭାବେ ଦିଆଯାଏ ଏହାକୁ ଖୁବ ଶୁଭ ମଧ୍ୟ ଧରାଯାଏ । କୁହାଯାଏ କି ଏହାଦ୍ୱାରା ମଣିଷର ଖରାପ ସମୟ ମଧ୍ୟ କଟିବା ସହ ଭଲ ସମୟ ଆରମ୍ଭ ହୋଇଥାଏ । କିନ୍ତୁ ଉପହାର ସ୍ୱରୂପ କଣ କଣ ଦେବେ ତା ବିଷୟରେ କିଛି କିଛି ଜ୍ଞାନ ରହିବା ନିହାତି ଜରୁରୀ ।
ମାଟି ତିଆରି ହୋଇଥିବା ଜିନିଷ:
ବାସ୍ତୁଶାସ୍ତ୍ର ଅନୁଯାୟୀ ମାଟିରେ ତିଆରି ହୋଇଥିବା କୌଣସି ଶୋ ପିସ ଗିଫ୍ଟ ଦେବା ବା ପାଇବା ଅତ୍ୟନ୍ତ ଶୁଭ ହୋଇଥାଏ । ବିଶ୍ୱାସ କରାଯାଏ କି ଏହା ଦ୍ୱାରା କୌଣସି ଠାରେ ଅଟକି ଥିବା ଧନ ଶୀଘ୍ର ମିଳିଥାଏ । ଏହା ସହ ଧନ ମଧ୍ୟ ବଢିଥାଏ ।
ଦୋମୁଁହା ଗଣେଶ:
ଦୋମୁଁହା ଗଣେଶଙ୍କ ମୂର୍ତ୍ତି ବା ଦୋମୁଁହା ଗଣେଶଙ୍କ ଚିତ୍ର ଥିବା ଫଟୋ ଉପହାର ଦେବା ବହୁତ ଶୁଭ ହୋଇଥାଏ ।
ହାତୀ:
କୌଣସି ଶୁଭ ଅବସରରେ ହାତୀ ବା ଯୋଡ଼ା ହାତୀ ଉପହାର ଦେବା ବହୁତ ଶୁଭକର ହୋଇଥାଏ । ସୁନା, ରୂପା, ପିତ୍ତଳ ବା ତମ୍ବା ନିର୍ମିତ ମୂର୍ତ୍ତି ଦେବା ବା ନେବା ଉଭୟ ପଟ ପାଇଁ ଅତ୍ୟନ୍ତ ଶୁଭ ହୋଇଥାଏ ।
ପୋଷାକ:
ନିଜ ପ୍ରିୟଜନଙ୍କୁ ପୋଷାକ ଉପହାର ଦେବା ମଧ୍ୟ ଖୁବ ଭଲ ହୋଇଥାଏ । ଏହାଦ୍ୱାରା ମଧ୍ୟ ଦୁର୍ଭାଗ୍ୟ ସମୟ ସରି ଶୁଭଫଳ ପ୍ରାପ୍ତି ହେଉଥିବା ବିଶ୍ୱାସ କରାଯାଏ । ବିଶେଷ ଭାବେ ସୁତା ତିଆରି ପୋଷାକ ଅଧିକ ଲଭଦାୟୀ ହୋଇଥାଏ ।
ରୂପା କଏନ :
ଶାସ୍ତ୍ର ଅନୁଯାୟୀ ରୂପାରେ ତିଆରି କୌଣସି ଜିନିଷ ଦେବା ମଙ୍ଗଳ ଦାୟକ ହେଉଥିବା ଧରାଯାଏ । କିନ୍ତୁ ସୁନା ଦେବାକୁ ବାରଣ କରାଯାଇଛି । ରୂପା କଏନ ବା ବସ୍ତୁ ଦେବା ଦ୍ୱାରା ମା’ ଲକ୍ଷ୍ମୀ ପ୍ରଶ୍ନ ହେଉଥିବାର ମଧ୍ୟ ଶାସ୍ତ୍ରରେ ଉଲ୍ଲେଖ ଅଛି ।
ସାତଟି ଘୋଡା:
ଫେଙ୍ଗସୁଈ ଅନୁଯାୟୀ ସାତଟି ଘୋଡା ଥିବା ଫଟୋ ଦେବାକୁ ଅତ୍ୟନ୍ତ ଶୁଭ ମନେ କରାଯାଇଥାଏ । ଏହା ସାହାଯ୍ୟରେ ଆୟ ବଢ଼ୁଥିବାର ମଧ୍ୟ ବିଶ୍ୱାସ କରାଯାଏ ।
