କଟକରେ ବାୟୁ ଗୁଣବତ୍ତାର ଅବନତି ରୋକିବା ପାଇଁ କଟକଣା ଲାଗୁ

କଟକ : କଟକ ଜିଲ୍ଲାରେ ବାୟୁ ଗୁଣବତ୍ତା ଖରାପ ହେଉଥିବାରୁ ଜିଲ୍ଲାପାଳ ଦତ୍ତାତ୍ରୟ ଭାଉସାହେବ ଶିନ୍ଦେ ତୁରନ୍ତ କିଛି କଡ଼ା ନିର୍ଦ୍ଦେଶ ଜାରି କରିଛନ୍ତି । ସନ୍ଧ୍ୟା ୬ଟାରୁ ସକାଳ ୧୦ଟା ପର୍ଯ୍ୟନ୍ତ ସମସ୍ତ ନିର୍ମାଣ କାମ ନିଷେଧ, ଭଙ୍ଗା ଓ ମାଟି କାର୍ଯ୍ୟ ପୂରାପୂରି ବନ୍ଦ, ଖୋଲାରେ ଅଳିଆ/କୋଇଲା ପୋଡ଼ିବା ଉପରେ ପ୍ରତିବନ୍ଧକ ଲଗାଯାଇଛି । ରାସ୍ତାରେ ଦିନକୁ ଅତି କମରେ ୩ ଥର ପାଣି ସିଞ୍ଚନ, ତାରପୋଲିନ୍ ବିନା ଟ୍ରକ ଚଳାଚଳ ଉପରେ ନିଷେଧ ଓ ଅନୁମତି ବିନା ଇଟାଭାଟି/ପ୍ଲାଣ୍ଟ ଚାଲୁ ରଖିବାକୁ ମନା କରାଯାଇଛି । ଏହି ନିର୍ଦ୍ଦେଶ ୭ ଦିନ ପର୍ଯ୍ୟନ୍ତ ବଳବତ୍ତର ରହିବ ଓ ଉଲ୍ଲଂଘନ କଲେ ଆଇନଗତ କାର୍ଯ୍ୟାନୁଷ୍ଠାନ ହେବ ବୋଲି କଟକ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।