ଜଗା ମୁଣ୍ଡରୁ ବାହାରିବ ହେଲମେଟ୍, ଅନ୍ୟ ପିଲାଙ୍କ ଭଳି ସାଧାରଣ ଜୀବନ ବିତାଇବେ

କନ୍ଧମାଳ : ଜଗା ମୁଣ୍ଡରୁ ବାହାରିବ ହେଲମେଟ୍ । ଆଉ ଏକ ଅସ୍ତ୍ରୋପଚାର କରାଯିବ । ଅନ୍ୟ ପିଲାଙ୍କ ଭଳି ସାଧାରଣ ଜୀବନ ବିତାଇବ ଜଗା । କନ୍ଧମାଳ ଫିରିଙ୍ଗିଆ ବ୍ଳକ୍ ମେଲୁପଡା ଗାଁର ପୁଷ୍ପାଞ୍ଜଳୀ କହଁର ଓ ଭୂଆଁ କହଁରଙ୍କ ଓୖରସରୁ ଜନ୍ମ ହୋଇଥିଲେ ଯୋଡାମୁଣ୍ଡ ଶିଶୁ ଜଗା କାଳିଆ । ବହୁ ପୂର୍ବରୁ କାଳିଆର ମୃତ୍ୟୁ ହୋଇସାରିଥିବା ବେଳେ ଏବେ ଜଗାକୁ ୧୧ ବର୍ଷ ବୟସ ହେଲାଣି । ବର୍ତ୍ତମାନ ସେ ସୁସ୍ଥ ଥିବାବେଳେ ଭଉଣୀ ସୁଭଦ୍ରା ସହ ଅଙ୍ଗନୱାଡିକୁ ପାଠ ପଢିବା ପାଇଁ ଯାଉଛି ।  ରାଜ୍ୟ ସରକାର ଏକ କୋଟି ଟଙ୍କା ଜଗା କାଳିଆର ଅସ୍ତ୍ରୋପଚାର ନିମନ୍ତେ ପ୍ରଦାନ କରିଥିଲେ । ଦିଲ୍ଲି ଏମସରେ ଅସ୍ତ୍ରୋପଚାର ହୋଇଥିଲା । ଏବେ ଫୁଲବାଣୀ ମେଡିକାଲରେ ଜଗା ଏକ ସ୍ବତନ୍ତ୍ର କେବିନରେ ରହୁଛି ।