ବ୍ରହ୍ମପୁର: କ୍ୟାବିନ ତଳୁ ୨ଟି ଅହିରାଜ ଉଦ୍ଧାର । ଗଞ୍ଜାମ ଜିଲ୍ଲା ଦିଗଜପହଣ୍ଡି-ଘୋଡ଼ାହାଡ଼ ରାସ୍ତାର ପେଣ୍ଡୁରାବଡିରେ ଏକ କ୍ୟାବିନ ତଳୁ ଦୁଇଟି ଅହିରାଜ ଉଦ୍ଧାର କରିଛନ୍ତି ସ୍ନେକ ହେଲପ୍ ଲାଇନ ସଦସ୍ୟ । ଗୋଟିଏ ଅହିରାଜ ୧୩ ଫୁଟ୍ ହୋଇଥିବାବେଳେ ଅନ୍ୟଟି ୧୦ ଫୁଟର । ସାପକୁ ଉଦ୍ଧାର ପରେ ଚାଙ୍ଗୁଡ଼ିଦେଇ ଜଙ୍ଗଲରେ ଛଡାଯାଇଛି ।
ସୂଚନାଯୋଗ୍ୟ, ଗତ ୫ ମାସ ତଳେ ବାଲେଶ୍ଵର ଜିଲ୍ଲା ସୋର ବ୍ଲକ ଗୋପୀନାଥପୁର ପଞ୍ଚାୟତ ବାଉଁଶପାଳ ଗାଁରୁ ଏକ ୧୨ ଫୁଟ ଲମ୍ବର ଅହିରାଜକୁ ଉଦ୍ଧାର କରାଯାଇଥିଲା । ଗାଁର ସୁରେନ୍ଦ୍ର ସାମଲଙ୍କ ଘର ନିକଟରେ ସାପଟିକୁ ଦେଖି ବନବିଭାଗକୁ ଖବର ଦିଆଯାଇଥିଲା । ବନବିଭାଗ କର୍ମଚାରୀ ଓ ସାପ ଧରାଳି ପହଞ୍ଚି ଅହିରାଜକୁ ଉଦ୍ଧାର କରି କୁଲଡିହା ଅଭୟାରଣ୍ୟରେ ଛାଡି ଦେଇଥିଲେ । ସାପକୁ ଦେଖିବାକୁ ଲୋକଙ୍କ ଭିଡ଼ ଜମିଥିଲା ।
