ପିତ୍ତକୋଷ ବା ଗଲବ୍ଲାଡରରେ ପିତ୍ତ ଟାଣ ହୋଇ ଜମା ହେଲେ ତାକୁ ପିତ୍ତକୋଷରେ ଷ୍ଟୋନ ବା ଗଲ ବ୍ଲାଡର ଷ୍ଟୋନ କୁହାଯାଏ । ଏହାକୁ କୋଲେଲିଥିଆସିସ୍ ମଧ୍ୟ କୁହାଯାଏ। ଏହା ମହିଳାମାନଙ୍କ ମଧ୍ୟରେ ବହୁତ ସାଧାରଣ। ଖରାପ ଜୀବନଶୈଳୀକୁ ପିତ୍ତକୋଷରେ ଷ୍ଟୋନ ହେବାର ପ୍ରମୁଖ କାରଣ ହୋଇଥାଏ। ଆମ ପ୍ରତିଦିନର ଅଭ୍ୟାସ ହିଁ ପିତ୍ତକୋଷ ଷ୍ଟୋନ ହେବାର ଆଶଙ୍କା ବୃଦ୍ଧି କରେ।
କହିବାକୁ ଗଲେ, ମୋଟାପା, ଡାଇବେଟିସ, ମେଟାବୋଲିକ୍ ସିଣ୍ଡ୍ରୋମ୍ ଏବଂ ଏକ ଅସ୍ୱାଭାବିକ ଲିପିଡ୍ ପ୍ରୋଫାଇଲ୍ ପିତ୍ତକୋଷ ଷ୍ଟୋନ ପାଇଁ ଦାୟୀ। ଆସନ୍ତୁ ପାଞ୍ଚଟି ଅଭ୍ୟାସ ବିଷୟରେ ଜାଣିବା, ଯାହା ପିତ୍ତକୋଷ ଷ୍ଟୋନ ହେବାର ଆଶଙ୍କାକୁ ଯଥେଷ୍ଟ ବୃଦ୍ଧି କରିପାରେ।
ପିତ୍ତକୋଷ/ଗଲବ୍ଲାଡର ଷ୍ଟୋନ ହେବାର ଆଶଙ୍କା ବୃଦ୍ଧି କରୁଥିବା ଅଭ୍ୟାସ:-
ଖାଦ୍ୟ – ଯଦି ଆପଣଙ୍କ ଖାଦ୍ୟରେ ଅଧିକ ଚର୍ବି, ଭଜା ଖାଦ୍ୟ, ରିଫାଇଣ୍ଡ କାର୍ବୋହାଇଡ୍ରେଟ୍ ଏବଂ କମ୍ ଫାଇବର ଥିବା ଖାଦ୍ୟ ଅନ୍ତର୍ଭୁକ୍ତ, ତେବେ ଏଗୁଡ଼ିକ ପିତ୍ତକୋଷ ଷ୍ଟୋନ ହେବାର ଏକ ପ୍ରମୁଖ କାରଣ ହୋଇପାରେ। ପିତ୍ତକୋଷର କାର୍ଯ୍ୟ ହେଉଛି ପିତ୍ତ ସଂରକ୍ଷଣ କରିବା ଏବଂ ଚର୍ବି ହଜମ କରିବାରେ ସାହାଯ୍ୟ କରିବା। ତଥାପି, ଯେତେବେଳେ ଆପଣଙ୍କ ଖାଦ୍ୟରେ ନିୟମିତ ଭାବରେ ଅସ୍ୱାସ୍ଥ୍ୟକର ଫ୍ୟାଟ ଏବଂ ରିଫାଇଣ୍ଡ କାର୍ବୋହାଇଡ୍ରେଟ ଭଳି ଧଳା ବ୍ରେଡ, ପେଷ୍ଟ୍ରି, ମଇଦା ଜାତୀୟ ଜିନିଷ ଏବଂ ମିଠା ଅନ୍ତର୍ଭୁକ୍ତ ହୁଏ, ପିତ୍ତ ସନ୍ତୁଳନରେ ବାଧାପ୍ରାପ୍ତ ହୋଇପାରେ। କମ୍ ଫାଇବର ଥିବା ଖାଦ୍ୟ ଖାଇବା ଦ୍ଵାରା ପାଚନ ଏବଂ ପିତ୍ତ ଫ୍ଲୋରେ ସମସ୍ୟା ହୋଇପାରେ।
ମଦ୍ୟପାନ – ଯଦି ଆପଣ ଅତ୍ୟଧିକ ମଦ୍ୟପାନ କରନ୍ତି, ତେବେ ଏହା ପିତ୍ତକୋଷ ପାଇଁ ଭଲ ନୁହେଁ। ଅତ୍ୟଧିକ ମଦ୍ୟପାନ ଦ୍ବାରା ଆପମହ୍କୁ ଖରାପ କ୍ୟାଲୋରି ମିଳିଥାଏ ଏବଂ ଏହା ସହିଚ ଅଗ୍ନାଶୟରେ କ୍ୟାଲସିଫିକେସନରେ ଚର୍ବି ଜମା କରେ। ମଦ୍ୟପାନ ଦ୍ବାରା ଡିସଲିପିଡେମିଆ ଏବଂ ପେଟ ଫୁଲିବା ଆରମ୍ଭ କରେ। ଏହି ସମସ୍ତ କାରଣଗୁଡ଼ିକ ମିଳିତ ଭାବରେ ପିତ୍ତକୋଷ ଷ୍ଟୋନ ସୃଷ୍ଟି କରେ।
ଶୀଘ୍ର ଓଜନ ହ୍ରାସ ଏବଂ କ୍ରାସ୍ ଡାଏଟିଂ – ମୋଟାପା ପିତ୍ତକୋଷରେ ଷ୍ଟୋନ ପାଇଁ ଏକ ଜଣାଶୁଣା ବିପଦ କାରକ । ତେବେ ବହୁତ ଶୀଘ୍ର ଓଜନ ହ୍ରାସ କରିବା ଦ୍ବାରା ଷ୍ଟୋନ ହୋଇପାରେ। ବିଶେଷକରି ଯେତେବେଳେ ଆପଣ ଅଳ୍ପ ସମୟ ମଧ୍ୟରେ ବହୁତ ଓଜନ ହ୍ରାସ କରନ୍ତି, ସେତେବେଳେ ଆପଣଙ୍କ ଲିଭର ଏବଂ ପିତ୍ତକୋଷରେ ଅତିରିକ୍ତ କୋଲେଷ୍ଟ୍ରଲ୍ କ୍ଷରଣ କରେ।
ଇନଆକ୍ଟିଭ ଜୀବନଶୈଳୀ – ଯେଉଁ ଲୋକମାନଙ୍କ ଶାରୀରିକ କାର୍ଯ୍ୟକଳାପର ଅଭାବ ଥାଏ, ସେମାନଙ୍କ ପାଇଁ ପିତ୍ତକୋଷରେ ଷ୍ଟୋନ ହେବାର ଆଶଙ୍କା ଅଧିକ ଥାଏ। ଏହା ଆପଣଙ୍କ ମେଟାବୋଲିଜିମ୍ ଏବଂ ପିତ୍ତକୋଷକୁ ପିତ୍ତ ପ୍ରବାହକୁ ଧୀର କରିଦିଏ। ନିୟମିତ ବ୍ୟାୟାମ ସୁସ୍ଥ ଓଜନ ବଜାୟ ରଖିବାରେ ସାହାଯ୍ୟ କରେ ଏବଂ ସାମଗ୍ରିକ ପାଚନ ସ୍ୱାସ୍ଥ୍ୟକୁ ପ୍ରୋତ୍ସାହିତ କରେ।
କାଉଣ୍ଟରରୁ ମିଳୁଥିବା ଔଷଧ – ଡାକ୍ତରଙ୍କ ପ୍ରେସକ୍ରିପସନ ବିନା ଔଷଧ ଖାଇବା ଦ୍ଵାରା ପିତ୍ତକୋଷରେ ଷ୍ଟୋନ ହେବାର ଆଶଙ୍କା ବଢ଼ିପାରେ। ବିଶେଷକରି ଓଜନ ହ୍ରାସ ଔଷଧ ଏହି ବିପଦକୁ ଯଥେଷ୍ଟ ବୃଦ୍ଧି କରେ। ଏଷ୍ଟ୍ରୋଜେନ୍ ରିପ୍ଲେସମେଣ୍ଟ ଥେରାପି, ଏଷ୍ଟ୍ରୋଜେନ୍ ଓରାଲ ଗର୍ଭନିରୋଧକ ଏବଂ ସମ୍ପୂର୍ଣ୍ଣ ପ୍ୟାରେଣ୍ଟ୍ରାଲ୍ ନ୍ୟୁଟ୍ରିସନ ମଧ୍ୟ ପିତ୍ତକୋଷରେ ଷ୍ଟୋନ ହେବାର ଆଶଙ୍କା ବୃଦ୍ଧି କରେ।
