ଭୋପାଳ : ତ୍ବିଶା ଶର୍ମାଙ୍କ ଶାଶୁ ତଥା ପୂର୍ବତନ ବିଚାରପତି ଗିରିବାଳା ସିଂହଙ୍କୁ ସିବିଆଇ ଗିରଫ କରିଛି । ମେ ୧୨ ତାରିଖରେ ବାସଭବନରୁ ବୋହୂ ତ୍ବିଶାଙ୍କ ମୃତଦେହ ମିଳିବାର ୧୬ ଦିନ ପରେ ଶାଶୁ ଗିରଫ । ମଧ୍ୟପ୍ରଦେଶ ହାଇକୋର୍ଟ ଜାମିନ ଖାରଜ କରିବା ପରେ ଗରିବାଳାଙ୍କୁ ଗିରଫ କରିବା ପାଇଁ ସିବିଆଇ ଭୋପାଳ ବାସଭବନରେ ପହଞ୍ଚିଥିଲା ।
ମିଳିଥିବା ରିପୋର୍ଟ ଅନୁସାରେ, ଭୋପାଳର ବାଗ୍ ମୁଗଲିଆ ଏକ୍ସଟେନସନ୍ ଅଞ୍ଚଳରେ ଥିବା ଗିରିବାଳା ସିଂହଙ୍କ ବାସଭବନରୁ ତାଙ୍କୁ ଗିରଫ କରାଯାଇଛି । ହାଇକୋର୍ଟଙ୍କ ନିର୍ଦ୍ଦେଶ ପରେ ଏଜେନ୍ସି ତାଙ୍କୁ ହେପାଜତକୁ ନେବା ପୂର୍ବରୁ ପଚରାଉଚରା କରିଥିଲା।
ପୂର୍ବରୁ ଗିରିବାଳା ସିଂଙ୍କୁ ଏକ ସେସନ୍ସ କୋର୍ଟ ଅଗ୍ରୀମ ଜାମିନ ପ୍ରଦାନ କରିଥିଲେ । ମାତ୍ର ମଧ୍ୟପ୍ରଦେଶ ହାଇକୋର୍ଟ ଜାମିନକୁ ରଦ୍ଦ କରିଛନ୍ତି ।
ନୋଏଡାର ବାସିନ୍ଦା ତ୍ବିଶା ଶର୍ମାଙ୍କ ବିବାହ ଡିସେମ୍ବର ୨୦୨୫ରେ ଭୋପାଳର ବାସିନ୍ଦା ତଥା ଓକିଲ ସମର୍ଥ ସିଂଙ୍କ ସହ ହୋଇଥିଲା । ବିବାହ ପରଠାରୁ ଯୌତୁକ ପାଇଁ ତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିବା ପରିବାର ଲୋକେ ଅଭିଯୋଗ କରିଥିଲେ । ଗତ ମେ ୧୨ ତାରିଖରେ ତ୍ବିଶାଙ୍କ ମୃତଦେହ ପୋଲିସ ଉଦ୍ଧାର କରିଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ CBI ମାମଲାର ତଦନ୍ତ କରୁଛି ।
