କର୍ଣ୍ଣାଟକ : ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ସିଦ୍ଧରମୈୟା । ଲୋକଭବନକୁ ରାଜ୍ୟପାଳଙ୍କ ଅନୁପସ୍ଥିତିରେ ତାଙ୍କ ସଚିବଙ୍କୁ ଇସ୍ତଫାପତ୍ର ଦେଇଛନ୍ତି । ଏବେ କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ହେବେ ଡିକେ ଶିବକୁମାର । ସିଦ୍ଧରମୈୟା ଏବଂ ଡିକେ ଶିବକୁମାର ପ୍ରେସ୍ କନଫରେନ୍ସ କରି ସମ୍ବୋଧିତ କରୁଛନ୍ତି । ରାଜ୍ୟପାଳ ସନ୍ଧ୍ୟାରେ ବେଙ୍ଗାଲୁରୁରୁ ଫେରିବା ପରେ ଇସ୍ତଫାପତ୍ର ଗ୍ରହଣ କରିବେ ।
ଇସ୍ତଫା ଦେବା ପରେ ସିଦ୍ଧରମୈୟା କହିଛନ୍ତି, ଶିବକୁମାରଙ୍କୁ ସବୁବେଳେ ସମର୍ଥନ ରହିବ । ମୋ ପାଇଁ ରାଜ୍ୟର ହିତ ସବୁଠାରୁ ଆଗରେ । ଆଗକୁ ମଧ୍ୟ କର୍ଣ୍ଣାଟକର ହିତ ପାଇଁ କାମ କରିବି । ପାର୍ଟିର ସବୁ ବିଧାୟକ ଏବେ ଏକଜୁଟ୍ ହେବାକୁ ଆହ୍ବାନ ଦେଇଛନ୍ତି ।
ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପୂର୍ବରୁ ସିଦ୍ଧରମୈୟା ବେଙ୍ଗାଲୁରୁରେ ମୁଖ୍ୟମନ୍ତ୍ରୀ ବାସଭବନରେ ସମସ୍ତ ମନ୍ତ୍ରୀଙ୍କ ସହିତ ଏକ ବ୍ରେକଫାଷ୍ଟ ବୈଠକ କରିଥିଲେ । ଏହି ବୈଠକ ସରିବା ପରେ ସିଦ୍ଧରମୈୟାଙ୍କ ପାଦ ଛୁଇଁଲେ ଶିବକୁମାର । ପାଦ ଛୁଇଁ ନେଲେ ଆଶୀର୍ବାଦ ।
