ଆଜିକାଲି ପ୍ରାୟତଃ ସମସ୍ତେ ନିଜ ତ୍ୱଚାକୁ ସୁନ୍ଦର ଏବଂ ଗ୍ଲୋଇଂ କରିବା ପାଇଁ ଅନେକ ପ୍ରକାରର ସ୍କିନ କେୟାର ପ୍ରଡକ୍ଟ ଏବଂ ଘରେ ଉପଲବ୍ଧ ପ୍ରାକୃତିକ ଜିନିଷ ବ୍ୟବହାର କରୁଛନ୍ତି । ସେହିଭଳି ଆପଣ ବଜାରରେ ପ୍ରସ୍ତୁତ ଚକୋଲେଟ୍ ମାସ୍କଗୁଡିକ ନିଶ୍ଚୟ ଦେଖିଥିବେ ଏବଂ ସେଗୁଡିକୁ ବ୍ୟବହାର ମଧ୍ୟ କରିଥିବେ । କିନ୍ତୁ ଆପଣ ଏହାକୁ ଘରେ ତିଆରି କରି ମଧ୍ୟ ଲଗାଇପାରିବେ । ଡାର୍କ ଚକୋଲେଟରେ ଥିବା ଆଣ୍ଟିଅକ୍ସିଡାଣ୍ଟ ସ୍କିନ ସେଲସଗୁଡ଼ିକୁ ଡ୍ୟାମେଜ ହେବାରୁ ରକ୍ଷା କରିବାରେ ସାହାଯ୍ୟ କରିଥାଏ । ଏହା ସହିତ ଡାର୍କ ଚକୋଲେଟ କୋଲାଜେନ୍ ପ୍ରଡକ୍ସନ ବୁଷ୍ଟ ତ୍ୱଚାକୁ ହାଇଡ୍ରେଟ୍ ରଖିବାରେ ମଧ୍ୟ ସହାୟକ ହୋଇଥାଏ । ଚକୋଲେଟ୍ ଫେସ୍ ମାସ୍କ ତ୍ୱଚାକୁ କୋମଳ କରିବା ଏବଂ ଚମକଦାର କରିଥାଏ । ଆପଣ ଘରେ ଚକୋଲେଟ୍ ସହିତ କିଛି ଜିନିଷ ମିଶାଇ ଏହାକୁ ନିଜ ସ୍କିନରେ ଲଗାଇପାରିବେ ।
କୋକୋ ପାଉଡର ଏବଂ ମହୁ : ଏହି ପେଷ୍ଟ ତିଆରି କରିବା ପାଇଁ ସର୍ବପ୍ରଥମେ ଏକ ପାତ୍ରରେ ଏକ ଚାମଚ କୋକୋ ପାଉଡର ନିଅନ୍ତୁ । ଏହା ପରେ ୧ ଚାମଚ ମହୁ ଏବଂ ଏକ ଚାମଚ ଡାଲଚିନି ମିଶାନ୍ତୁ । ଏହି ତିନୋଟି ଜିନିଷକୁ ମିଶାଇ ଏକ ନରମ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ଆପଣଙ୍କ ମୁହଁ ଏବଂ ବେକରେ ଲଗାନ୍ତୁ ଏବଂ ତା’ପରେ ୧୫ ରୁ ୨୦ ମିନିଟ୍ ରଖି ପରେ ମୁହଁ ଧୋଇ ଦିଅନ୍ତୁ। ସେହିଭଳି ଡ଼ଲ୍ ସ୍କିନ ପାଇଁ ଚକୋଲେଟ୍ ଫେସ୍ ମାସ୍କ ଲଗାଇବା ଅତ୍ୟନ୍ତ ଲାଭଦାୟକ ହୋଇଥାଏ । ଏଥିପାଇଁ ପ୍ରଥମେ ନ୍ୟାଚୁରାଲ କୋକୋ ପାଉଡର ନେଇ ସେଥିରେ ସମାନ ପରିମାଣର କଫି ପାଉଡର ମିଶାନ୍ତୁ । ଏହା ପରେ ଆପଣ ଏଥିରେ କ୍ଷୀର କିମ୍ବା ନଡିଆ ତେଲ ମିଶାଇ ପାରିବେ । ଏସବୁକୁ ଭଲ ଭାବରେ ମିଶାନ୍ତୁ ଏବଂ ଏହାକୁ ୧୦ ରୁ ୨୦ ମିନିଟ୍ ପର୍ଯ୍ୟନ୍ତ ରଖିବା ପରେ ଏହାକୁ ପାଣିରେ ଧୋଇ ଦିଅନ୍ତୁ ।
ଚକୋଲେଟ୍ ଏବଂ କଦଳୀ : ଚକୋଲେଟ୍ ଏବଂ କଦଳୀ ଫେସ୍ ମାସ୍କ ପ୍ରସ୍ତୁତ କରିବାକୁ ଆପଣଙ୍କୁ ୨ ଚାମଚ କୋକୋ ପାଉଡର, ୧ ପାଚିଲା କଦଳୀ ଏବଂ ୧ ଚାମଚ ମହୁ ଦରକାର । ଏହି ଫେସ୍ ପ୍ୟାକ୍ ପ୍ରସ୍ତୁତ କରିବାକୁ, ପ୍ରଥମେ ଏକ ପାତ୍ରରେ କଦଳୀ, କୋକୋ ପାଉଡର ଏବଂ ମହୁକୁ ଭଲ ଭାବରେ ମିଶାନ୍ତୁ । ଏହାକୁ ଆପଣଙ୍କ ମୁହଁରେ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ରଖନ୍ତୁ । ଏହା ପରେ ମୁହଁକୁ ପାଣିରେ ଧୋଇ ଦିଅନ୍ତୁ ।
ଚକୋଲେଟ୍ ଏବଂ ଓଟମିଲ୍ : ଏହି ପେଷ୍ଟ ପ୍ରସ୍ତୁତ କରିବା ପାଇଁ ଆପଣଙ୍କୁ ୨ ଚାମଚ କୋକୋ ପାଉଡର, ୨ ଚାମଚ ଓଟମିଲ୍ ଏବଂ ୧ ଚାମଚ କ୍ଷୀର କିମ୍ବା ବାଦାମ କ୍ଷୀର ଦରକାର ହେବ । ବର୍ତ୍ତମାନ ଏହାକୁ ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଏକ ପାତ୍ରରେ କୋକୋ ପାଉଡର ଏବଂ ଗ୍ରାଉଣ୍ଡ ଓଟମିଲ୍ ନିଅନ୍ତୁ ।ଏବେ ଏହା ପରେ ଅଳ୍ପ କ୍ଷୀର ମିଶାନ୍ତୁ । ଏହି ପେଷ୍ଟକୁ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ଆପଣଙ୍କ ମୁହଁରେ ଲଗାଇ ରଖନ୍ତୁ । ଏହା ପରେ, ଏହାକୁ ବାହାର କରିବା ପାଇଁ ମୁହଁକୁ ପାଣିରେ ଧୋଇ ଦିଅନ୍ତୁ । ତେବେ ଏହିସବୁ ଚକୋଲେଟ୍ ଫେସମାସ୍କ ଲଗାଇ ଆପଣ ନିଜ ତ୍ୱଚାକୁ ସୁନ୍ଦର ଏବଂ ଗ୍ଳୋଇଂ କରିପାରିବେ ।
