ଦେବଗଡ଼: ଥାନାରେ ରସିକିଆ ବିଜ୍ଞାନ ଶିକ୍ଷକ । ପିଲାଙ୍କୁ ଭାଲେଣ୍ଟାଇନ ଦିବସ ପାଠ ପଢାଇ ଏବଂ ଅଶାଳୀନ ମନ୍ତବ୍ୟ ଦେବା ଅଭିଯୋଗରେ ଗଲେ ଥାନାକୁ । ରସିକିଆ ଶିକ୍ଷକ ହେଉଛନ୍ତି ଦେବଗଡ଼ ଜିଲ୍ଲା ରିଆମାଳ ବ୍ଳକ ଗୁଣ୍ଢେଇଗୋଲା ହାଇସ୍କୁଲର ବିଜ୍ଞାନ ଶିକ୍ଷକ ତପନ କୁମାର ମିଶ୍ର । ପୀଡିତା ମାଆଙ୍କ ଅଭିଯୋଗ ଆଧାରରେ ତପନଙ୍କ ବିରୋଧରେ କୁଣ୍ଢେଇଗୋଳା ଥାନାରେ ପୋକ୍ସ ଆକ୍ଟରେ ମାମଲା ରୁଜୁ ହୋଇଛି ।
ସେପଟେ ଶିକ୍ଷକଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ଦାବି କରିଛନ୍ତି ଛାତ୍ରଛାତ୍ରୀ । ଏହା ସହ ବିଦ୍ୟାଳୟରୁ ତାଙ୍କୁ ତୁରନ୍ତ ଅପସାରଣ ଦାବି କରି ସ୍କୁଲ ଫାଟକରେ ତାଲା ପକାଇ ଧାରଣା ଦେଇଛନ୍ତି ଅଭିଭାବକ ଓ ଛାତ୍ରଛାତ୍ରୀ । ଅଷ୍ଟମ ଓ ନବମ ଶ୍ରେଣୀ ଛାତ୍ରୀଙ୍କୁ ଭାଲେଣ୍ଟାଇନ ସପ୍ତାହରେ ପଢ଼ାଇଲେ ହଗ୍ ଡେ’ ଚକୋଲେଟ୍ ଡେ’ ଚାପ୍ଟର ପଢାଉଥିଲେ ତପନ ମିଶ୍ର । ଛାତ୍ରୀମାନେ ପ୍ରତିବାଦ କରିବାରୁ ଅଭିଭାବକ ସ୍କୁଲ ପରିଚାଳନା କମିଟିର ଜରୁରୀ ବୈଠକ ବସିଥିଲା । ସେପଟେ ବିଜ୍ଞାନ ଶିକ୍ଷକ କହିଛନ୍ତି, ତାଙ୍କ ବିରୋଧରେ ଏହା ଷଡ଼ଯନ୍ତ୍ର ।
