ଫାୟାରିଂ ଅଭ୍ୟାସ ବେଳେ ଭାରତୀୟ ସେନାର ୨ ଅଗ୍ନିବୀରଙ୍କ ମୃତ୍ୟୁ ଘଟିଛି। ଫାୟାରିଂ ଅଭ୍ୟାସ ଚାଲିଥିବା ବେଳେ ଏକ ସେଲ୍ ବିସ୍ଫୋରଣ ହୋଇଥିଲା । ଏହା ସଂସ୍ପର୍ଶରେ ଆସି ୨ ଅଗ୍ନିବୀରଙ୍କ ମୃତ୍ୟୁ ଘଟିଛି । ଘଟଣା ଘଟିଛି ମହାରାଷ୍ଟ୍ର ନାସିକର ଦେବଲାଲିସ୍ଥିତ ଆର୍ଟିଲରି ସ୍କୁଲରେ । ଭାରତୀୟ ସେନାର ଅଧିକାରୀଙ୍କ ତରଫରୁ ସୂଚନା ଦିଆଯାଇଛି ଯେ, ଅଗ୍ନିବୀରମାନଙ୍କ ଫାୟାରିଂ ଅଭ୍ୟାସ ବେଳେ ଏକ ତୋପର ସେଲ୍ ଫାଟିଯାଇଥିଲା । ଦୁଇ ଅଗ୍ନିବୀର ହାଇଦ୍ରାବାଦରୁ ଏଠାକୁ ପ୍ରଶିକ୍ଷଣ ନେବାକୁ ଆସିଥିଲେ । ଏହି ଦୁର୍ଘଟଣାର ସଠିକ୍ କାରଣ ଜାଣିବା ପାଇଁ ସେନା କୋର୍ଟ ଅଫ୍ ଇନ୍କ୍ୱାରୀର ଆଦେଶ ଦେଇଛି । ଏହି ଘଟଣା ଗୁରୁବାର ଦ୍ୱିପ୍ରହରରେ ନାସିକ୍ ରୋଡ୍ ଅଞ୍ଚଳରେ ଥିବା ଆର୍ଟିଲରି ସ୍କୁଲରେ ଘଟିଛି । ପରୀକ୍ଷଣ ସମୟରେ ତୋପରୁ ଛଡ଼ାଯାଇଥିବା ଏକ ସେଲ୍ ଫାଟିଯିବାରୁ ୨ ଅଗ୍ନିବୀରଙ୍କ ମୃତ୍ୟୁ ହୋଇଛି । ମୃତ ଅଗ୍ନିବୀର ଦୁଇ ଜଣ ହେଲେ ବିଶ୍ୱରାଜ ସିଂ (୨୦) ଓ ସୈଫତ୍ ଶିଟ୍ (୨୧) ।।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net