Tuesday, November 17, 2026
19.3 C
Odisha

    ବର୍ଷା ହେବ କି ନାହିଁ? ପାଣିପାଗର ପୂର୍ବାନୁମାନ କିପରି କରାଯାଏ? ସେଟେଲାଇଟ୍, ରାଡାର ନା AI… କେଉଁ ଜିନିଷର ହୁଏ ବ୍ୟବହାର

    ଆଗକୁ ପଢନ୍ତୁ

    ଆମେ ଯେତେବେଳେ ସକାଳେ ମୋବାଇଲ୍‌ରେ ଦେଖୁ ଯେ ଆଜି ବର୍ଷା ହେବ କିମ୍ବା ଖରା ରହିବ, ସେତେବେଳେ ଏହା ଆମକୁ ଏକ ସାଧାରଣ ପ୍ରକ୍ରିୟା ଭଳି ଲାଗେ। କିନ୍ତୁ ବାସ୍ତବରେ ଏଭଳି ସଠିକ୍ ପାଣିପାଗ ପୂର୍ବାନୁମାନ ପଛରେ ବିଶ୍ୱର ଅତ୍ୟନ୍ତ ଜଟିଳ ବିଜ୍ଞାନ, ଅତ୍ୟାଧୁନିକ ପ୍ରଯୁକ୍ତି ଏବଂ ଶକ୍ତିଶାଳୀ ସୁପରକମ୍ପ୍ୟୁଟର କାମ କରିଥାଏ।

    ଭାରତୀୟ ପାଣିପାଗ ବିଭାଗ (IMD) ମେଘ ବର୍ଷିବ କି ଝଡ଼ ଆସିବ, ତାହାର ପୂର୍ବାନୁମାନ କେବଳ ଅନୁମାନ ଆଧାରରେ କରେନାହିଁ। ବରଂ ଏଥିପାଇଁ ଅନ୍ତରିକ୍ଷରେ ଥିବା ଉପଗ୍ରହରୁ ଆରମ୍ଭ କରି ଭୂପୃଷ୍ଠରେ ଥିବା ବିଭିନ୍ନ ପାଣିପାଗ କେନ୍ଦ୍ର, ରାଡାର, ସମୁଦ୍ରରେ ଥିବା ବୁଏ ଏବଂ ଅନ୍ୟାନ୍ୟ ଉପକରଣରୁ ମିଳୁଥିବା ତଥ୍ୟର ବିଶ୍ଳେଷଣ କରାଯାଏ।

    ଏହି ତଥ୍ୟ ଆଧାରରେ ବୈଜ୍ଞାନିକମାନେ ଘୂର୍ଣ୍ଣିଝଡ଼ର ସୃଷ୍ଟି, ଏହାର ଗତିପଥ ଓ ତୀବ୍ରତା, ଏବଂ ମୌସୁମୀ ବାୟୁର ଗତିବିଧିକୁ ଅଧିକ ସଠିକ୍ ଭାବେ ଆକଳନ କରି ପୂର୍ବାନୁମାନ ଜାରି କରିପାରନ୍ତି।

    ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI)ର କମାଲ:

    ଆଧୁନିକ ଯୁଗରେ ପାଣିପାଗ ବିଜ୍ଞାନ ନ୍ୟୁମେରିକାଲ୍ ୱେଦର ପ୍ରେଡିକ୍ସନ୍ ପ୍ରଣାଳୀକୁ ଅପନାଇଛି। ଏଥିରେ ପଦାର୍ଥ ବିଜ୍ଞାନର ନିୟମଗୁଡ଼ିକୁ ଜଟିଳ ଗାଣିତିକ ସମୀକରଣରେ ପରିଣତ କରାଯାଇଥାଏ।

    ଏହାପରେ ସୁପରକମ୍ପ୍ୟୁଟର ସାହାଯ୍ୟରେ ବାୟୁମଣ୍ଡଳର ଏକ ଭର୍ଚୁଆଲ୍ ସିମୁଲେସନ୍ ପ୍ରସ୍ତୁତ କରାଯାଏ, ଯାହା ଆଧାରରେ ପାଣିପାଗର ପୂର୍ବାନୁମାନ କରାଯାଏ।

    ବର୍ତ୍ତମାନ ଏହି ପ୍ରକ୍ରିୟାକୁ ଆହୁରି ଦ୍ରୁତ ଓ ସଠିକ୍ କରିବା ପାଇଁ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ଏବଂ ବିଗ୍ ଡାଟା ଆନାଲିସିସ୍ ର ସହାୟତା ନିଆଯାଉଛି।

    AI ଉପଗ୍ରହ, ଡପ୍ଲର ୱେଦର ରାଡାର, ଅଟୋମେଟିକ୍ ୱେଦର ଷ୍ଟେସନ୍ ଏବଂ ଅନ୍ୟାନ୍ୟ ପାଣିପାଗ କେନ୍ଦ୍ରରୁ ମିଳୁଥିବା ବିପୁଳ ପରିମାଣର ତଥ୍ୟକୁ ଅତ୍ୟନ୍ତ ଦ୍ରୁତ ଗତିରେ ବିଶ୍ଳେଷଣ କରିଥାଏ।

    ଫଳସ୍ୱରୂପ, ପୂର୍ବରୁ ଯେଉଁ ଗଣନା ସମ୍ପୂର୍ଣ୍ଣ କରିବାକୁ ପ୍ରାୟ ୧୨ ଘଣ୍ଟା ସମୟ ଲାଗୁଥିଲା, ବର୍ତ୍ତମାନ ସୁପରକମ୍ପ୍ୟୁଟର ଓ AIର ସହାୟତାରେ ସେହି କାମ ମାତ୍ର ୩ ଘଣ୍ଟା ମଧ୍ୟରେ ସମ୍ପୂର୍ଣ୍ଣ ହେଉଛି। ଏହା ଦ୍ୱାରା ପାଣିପାଗ ପୂର୍ବାନୁମାନ ଅଧିକ ଦ୍ରୁତ, ସଠିକ୍ ଓ ନିର୍ଭରଯୋଗ୍ୟ ହୋଇପାରୁଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    19.3 ° C
    19.3 °
    19.3 °
    72 %
    1kmh
    100 %
    Mon
    19 °
    Tue
    26 °
    Wed
    26 °
    Thu
    24 °
    Fri
    18 °

    ସମ୍ବନ୍ଧିତ