ହେରୋଇନ ଚୋରାଚାଲାଣ ମାମଲାରେ ଛଅ ପାକ୍‌ ନାଗରିକଙ୍କୁ ୨୦ ବର୍ଷ ଜେଲ୍‌ଦଣ୍ଡ

ଅହମଦାବାଦ  : ଭାରତକୁ ପ୍ରାୟ ୩୮୪ କୋଟି ଟଙ୍କାର ହେରୋଇନ ଚୋରାଚାଲାଣ ମାମଲାରେ ଗୁଜରାଟର ଭୁଜ୍‌ସ୍ଥିତ ଏକ ସ୍ବତନ୍ତ୍ର ଅଦାଲତ ଶୁକ୍ରବାର ୬ ଜଣ ପାକିସ୍ତାନ ନାଗରିକଙ୍କୁ ଦୋଷୀସାବ୍ୟସ୍ତ କରିଥିବାବେଳେ ପ୍ରତ୍ୟେକଙ୍କୁ ୨୦ ବର୍ଷ ଲେଖାଏଁ ଜେଲ ଦଣ୍ଡାଦେଶ ପ୍ରଦାନ କରିଛନ୍ତି। ଏହା ବ୍ୟତୀତ ପ୍ରତ୍ୟେକ ଦୋଷୀଙ୍କ ଉପରେ ୨ ଲକ୍ଷ ଟଙ୍କାର ଜୋରିମାନା ମଧ୍ୟ ଲାଗୁ କରାଯାଇଛି। ସୂଚନାଯୋଗ୍ୟ ୨୦୨୧ ଡିସେମ୍ବର ୨୦ରେ ଗୁଜରାଟ ଏଟିଏସ ଆରବ ସାଗରସ୍ଥିତ ଜାକାଉ ଊପକୂଳରୁ ୩୫ ନଟିକାଲ ମାଇଲ ଦୂରରେ ଏକ ପାକିସ୍ତାନୀ ବୋଟ୍‌କୁ ଅଟକାଇଥିଲେ। ସେଥିରେ ପ୍ରାୟ ୭୭ କିଲୋ ଓଜନର ହେରୋଇନକୁ ପାଞ୍ଚଟି ବ୍ୟାଗରେ ଭର୍ତ୍ତି କରାଯାଇଥିଲା। ଗୁଜରାଟ ପୁଲିସ ଏହି ବ୍ୟାଗଗୁଡିକୁ ଜବତ କରିବା ସହ ବୋଟ୍‌ରେ ଥିବା ୬ ଜଣଙ୍କୁ ଗିରଫ କରିଥିଲା।