ବସ୍ତା: ବସ୍ତା ଥାନା ୬୦ ନମ୍ୱର ଜାତୀୟ ରାଜପଥର ଗାନ୍ଧିଛକ ନିକଟରେ ଏକ ବାଇକ୍କୁ ଧକ୍କା ଦେଇ ଏକ କାର୍ ଖସିଯିବାକୁ ଉଦ୍ୟମ କରୁଥିବା ସମୟରେ ଜାତୀୟ ରାଜପଥ ପାଟ୍ରୋଲିଂ ପୁଲିସ ଓ ରୂପସା ପୁଲିସ ମିଳିତ ଚଢ଼ଉ କରି ଉକ୍ତ କାର୍ଟିକୁ ଫୁଲାଡ଼ି ଛକ ନିକଟରୁ କାବୁ କରିବାରେ ସକ୍ଷମ ହୋଇଥିଲେ । ରବିବାର ସକାଳେ ଜଳେଶ୍ୱରରୁ ବାଲେଶ୍ୱର ଅଭିମୁଖେ ଯାଉଥିବା ଏକ ବାଇକ୍କୁ ଜାଇଲୋ କାର୍ ପଛରୁ ଧକ୍କା ଦେଇ ଖସି ପଳାଇ ଥିଲା । ଫଳରେ ବାଇକ୍ ଆରୋହୀ ଭଦ୍ରକ ଜଲ୍ଲା ବାହାଦଲପୁର ଗ୍ରାମର ପ୍ରଶାନ୍ତ ମହାନ୍ତି ଗୁରୁତର ଆହତ ହୋଇଥିଲେ । ତାଙ୍କୁ ଜାତୀୟ ରାଜପଥ ପାଟ୍ରୋ-ଲିଂ ପୁଲିସ ଉଦ୍ଧାର କରି ଆମ୍ୱୁଲାନ୍ସ ଯୋଗେ ବସ୍ତା ଡାକ୍ତରଖାନାକୁ ପଠାଇଥିଲେ । ଦୁର୍ଘଟଣା ଗ୍ରସ୍ତ ବାଇକ୍ ଓ କାରକୁ ଥାନାକୁ ଆଣି ବସ୍ତା ପୁଲିସ ଘଟଣାର ଅଧିକ ତଦନ୍ତ ଚଳାଇଛି ।
