ଓଡିଶା ଆସୁଛନ୍ତି କଂଗ୍ରେସ ପ୍ରଭାରୀ

ରାଜ୍ୟ କଂଗ୍ରେସ ପ୍ରଭାରୀ ନିଯୁକ୍ତ ହେଲା ପରେ ପ୍ରଥମ ଥର ପାଇଁ ଓଡ଼ିଶା ଆସୁଛନ୍ତି ଅଜୟ କୁମାର । ବିମାନବନ୍ଦରରେ ତାଙ୍କୁ ସ୍ୱାଗତ କରିବା ପାଇଁ କଂଗ୍ରେସ ନେତାଙ୍କ ଗହଳି ଲାଗିଛି । ତାଙ୍କୁ ସ୍ୱାଗତ କରିବାକୁ ହୋଇଛି ପୁରା ପ୍ରସ୍ତୁତି । ବିମାନ ବନ୍ଦରରୁ ଦଳୀୟ କାର୍ଯ୍ୟାଳୟ ପର୍ଯ୍ୟନ୍ତ ରାସ୍ତା କଡ଼ରେ ଅଜୟ କୁମାରଙ୍କ ପୋଷ୍ଟର ବ୍ୟାନର ଛାଇ ଯାଇଛି । ନୂଆ ପ୍ରଭାରୀଙ୍କୁ ଏକ ଭବ୍ୟ ସମାରୋହରେ ନିଆଯିବା ପାଇଁ କରାଯାଇଛି ବ୍ୟବସ୍ଥା । ରାଜ୍ୟ କଂଗ୍ରେସର ବରିଷ୍ଠ ନେତାଙ୍କ ସହ ଅଜୟ କୁମାର ଏକ ଗୁରୁତ୍ୱପୂର୍ଣ୍ଣ ବୈଠକ କରିବେ । କଂଗ୍ରେସର ଓଡ଼ିଶା ଶାଖା କେମିତି ଅଧିକ ସଶକ୍ତ ହୋଇ ୨୦୨୪ ନିର୍ବାଚନକୁ ସାମ୍ନା କରିବ ସେନେଇ ରଣନୀତି ପ୍ରସ୍ତୁତ ହୋଇପାରେ ।