ଟ୍ରେନରେ ଛାଡି ଦେଇଥିବା କ୍ୟାମେରା ଓ ଟଙ୍କା ଫେରି ପାଇଲେ ସାମ୍ବାଦିକା

କଟକ : ଟ୍ରେନରେ ଛାଡି ଦେଇଥିବା କ୍ୟାମେରା ଓ ଟଙ୍କା ଫେରି ପାଇଲେ ସାମ୍ବାଦିକା । ବାଙ୍ଗାଲୋରର ସାମ୍ବାଦିକା ସ୍ବାତିଶ୍ରୀଙ୍କୁ ଫେରାଇଲା କଟକ ଆରପିଏଫ । ସ୍ବାତିଶ୍ରୀ କୋଲକାତା ଦୁର୍ଗାପୂଜା କଭରେଜ ପାଇଁ ଆସିଥିଲେ । କୋଲକତାରେ ଏକ ସପ୍ତାହ ରହଣି ପରେ ଆଜି ହମସଫର ଏକ୍ସପ୍ରେସରେ ଫେରୁଥିଲେ । ବାଲେଶ୍ବର ନିକଟରେ ନନ୍ଦିନୀ ମିଲକ ଦେଖି କିଣିବା ପାଇଁ ଓହ୍ଲାଇଥିଲେ । ଟ୍ରେନ ଷ୍ଟେସନ ଛାଡି ଦେବା ପରେ ୧୩୯ ରେ ଅଭିଯୋଗ କରିଥିଲେ । କଟକ ଆରପିଏଫ ହମସଫର ଏକ୍ସପ୍ରେସରୁ କ୍ୟାମେରା, ବ୍ୟାଗ ଓ ୫ ହଜାର ଟଙ୍କା ଉଦ୍ଧାର କରି ସ୍ବାତିଶ୍ରୀଙ୍କୁ ହସ୍ତାନ୍ତର କରିଛି ।