ଆଜିଠୁ ଆରମ୍ଭ ଭାରତ-ଦକ୍ଷିଣ ଆଫ୍ରିକା ଓ୍ୱାନଡେ ସିରିଜ୍

ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିରୋଧରେ ଦିନିକିଆ ମ୍ୟାଚ ଖେଳିବ ଟିମ ଇଣ୍ଡିଆ । ଭାରତୀୟ ସମୟ ଦିନ ଗୋଟାଏ ୩୦ ମିନିଟରେ ଜୋହାନ୍ସବର୍ଗରେ ପ୍ରଥମ ଦିନିକିଆ ଖେଳାଯିବ । ରୋହିତ ଶର୍ମା, ବିରାଟ କୋହଲିଙ୍କ ଅନୁପସ୍ଥିତିରେ କେଏଲ ରାହୁଳଙ୍କ ନେତୃତ୍ବରେ ଦଳ ପଡିଆକୁ ଓହ୍ଲାଇବ । ପୂର୍ବରୁ ଯୁବ ଖେଳାଳି ମାନେ ଟି-୨୦ ସିରିଜରେ କରିସ୍ମା ଦେଖାଇ ସାରିଛନ୍ତି। ବିଶେଷକରି ନୂଆ ଫିନିସର ଭାବେ ଉଭା ହୋଇଥିବା ରିଙ୍କୁ ସିଂହଙ୍କ ଉପରେ ନଜର ରହିବ । ସେହିପରି ଘରୋଇ କ୍ରିକେଟରେ ଦମଦାର ରନ କରିଥିବା ତିଳକ ବର୍ମା, ରଜତ ପାଟିଦାର, ସାଇ ସୁଦର୍ଶନ ଦିନିକିଆ ଖେଳିବା ଲକ୍ଷ୍ୟରେ ଅଛନ୍ତି।