ଆଇପିଏଲ୍ର ଚଳିତ ଋତୁରେ ସିଏସ୍କେର ପରାଜୟ ଧାରା ଲାଗି ରହିଥିବାବେଳେ ପ୍ରଶଂସକମାନେ ଯଥାଶୀଘ୍ର ମହେନ୍ଦ୍ର ସିଂ ଧୋନିଙ୍କୁ ଦଳରେ ଦେଖିବାକୁ ଚାହୁଁଛନ୍ତି । କିନ୍ତୁ ସିଏସକେ ଧୋନିଙ୍କୁ ନେଇ କୌଣସି ତରବରିଆ ନିଷ୍ପତ୍ତି ନେବାକୁ ଚାହୁଁନାହିଁ । ତାଙ୍କୁ ସାମିଲ କରିବା ପୂର୍ବରୁ ତାଙ୍କର ଫିଟ୍ନେସ୍କୁ ନେଇ ନିଶ୍ଚିତ ହେବାକୁ ଚାହୁଁଛି । ଏଥିପାଇଁ ଆଗାମୀ ଦୁଇଦିନରେ ଧୋନିଙ୍କ ଫିଟ୍ନେସ୍ ପରୀକ୍ଷା ହେବ । ଏହି ପରୀକ୍ଷାରେ ଉତ୍ତୀର୍ଣ୍ଣ ହେଲେ ଧୋନିଙ୍କୁ ଆସନ୍ତା ଶନିବାର ହେବାକୁ ଥିବା ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ରେ ଖେଳିବାକୁ ସୁଯୋଗ ମିଳିପାରେ ।ସୂଚନା ଅନୁସାରେ ଗୋଡ଼ ମାସଂପେଶୀ ଯନ୍ତ୍ରଣାରୁ ଆରୋଗ୍ୟ ହାସଲ କରିବାପରେ ଧୋନି ଏବେ ନେଟ୍ସରେ ଅଭ୍ୟାସ ଆରମ୍ଭ କରିଦେଇଛନ୍ତି ଓ ସେ କୌଣସି ଶାରିରୀକ ସମସ୍ୟା ଅନୁଭବ କରୁନାହାନ୍ତି । ତେବେ ତାଙ୍କୁ ନେଇ କୌଣସି ବିପଦ ବରଣ କରିବାକୁ ଚାହୁଁନାହିଁ ସିଏସକେ । ପରୀକ୍ଷା ପରେ ତାଙ୍କ ଫିଟ୍ନେସ୍କୁ ନେଇ ସୁନିଶ୍ଚିତ ହେବା ପରେ ହିଁ ଧୋନିଙ୍କୁ ଖେଳିବାକୁ ଅନୁମତି ଦିଆଯିବ ।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net