ମୁମ୍ବାଇ: ଅଭିନେତ୍ରୀ କଙ୍ଗନା ରାଣାୱତ୍ କେବେ ବିବାହ କରିବେ? ତାଙ୍କର ପ୍ରେମିକ ଅଛି କି? ଏପରି ପ୍ରଶ୍ନ ହୁଏତ ତାଙ୍କର ପ୍ରଶଂସକମାନଙ୍କ ମନରେ ବାରମ୍ବାର ଆସୁଥିବ। କଙ୍ଗନା ତାଙ୍କ ବ୍ୟକ୍ତିଗତ ଜୀବନ ବିଷୟରେ ଖୁବ୍ କମ୍ କଥାବାର୍ତ୍ତା କରନ୍ତି। ନିକଟରେ ତାଙ୍କୁ ଜଣେ ‘ରହସ୍ୟମୟ ବ୍ୟକ୍ତି’ଙ୍କ ସହିତ ଦେଖିବାକୁ ମିଳିବା ପରେ ଚର୍ଚ୍ଚା ଜୋର୍ ଧରିଛି।
ସମସ୍ତେ ପ୍ରଶ୍ନ କରୁଛନ୍ତି ଯେ କିଏ ସେହି ବ୍ୟକ୍ତି? କଙ୍ଗନା ଏହି ‘ରହସ୍ୟମୟ ବ୍ୟକ୍ତି’ଙ୍କ ହାତ ଧରିଥିବା ବେଳେ ଦୁହେଁ ହସି ହସି ଫଟୋଗ୍ରାଫର୍ଙ୍କୁ ପୋଜ୍ ଦେଉଥିବା ଦେଖିବାକୁ ମିଳିଥିଲା।
ସେଲୁନରୁ କଙ୍ଗନା ରାଣାୱତ୍ ବାହାରକୁ ଆସୁଥିବା ବେଳେ ତାଙ୍କ ସହିତ ଜଣେ ଅଜ୍ଞାତ ବ୍ୟକ୍ତିଙ୍କୁ ଦେଖିବାକୁ ମିଳିଥିଲା। ଦୁହେଁ ପରସ୍ପରଙ୍କ ହାତ ଧରିଥିଲେ। କଙ୍ଗନା ଏକ ନୀଳ ରଙ୍ଗର ପୋଷାକ ଏବଂ ଗଗଲ୍ସ ପିନ୍ଧିଥିଲେ। ବ୍ୟକ୍ତି ଜଣକ ଏକ କଳା ରଂଗର ପୋଷାକ ପିନ୍ଧିଥିଲେ।
