OSRTC ବସ୍ ସହ ଘରୋଇ ବସ ମୁହାଁମୁହିଁ ଧକ୍କା, ଅଳ୍ପକେ ବର୍ତ୍ତିଲେ ୧୦ ଯାତ୍ରୀ

ଗଞ୍ଜାମ : ଦୁଇ ବସ୍ ମୁହାଁମୁହିଁ ଧକ୍କା ହୋଇ ଅଳ୍ପକେ ବର୍ତ୍ତି ଯାଇଛନ୍ତି ୧୦ ଯାତ୍ରୀ । ଗଞ୍ଜାମ ଜିଲ୍ଲା ଶେରଗଡ ବ୍ଲକ ଧନନ୍ତର ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଏହି ଦୁର୍ଘଟଣା ଘଟିଛି। OSRTC ବସ୍ ସହ ଏକ ଘରୋଇ ବସ ମୁହାଁମୁହିଁ ଧକ୍କା ହୋଇଥିଲା । ଘରୋଇ ବସର ଡ୍ରାଇଭର ଗୁରୁତର ଆହତ ହୋଇଛନ୍ତି । ଆଜି ସକାଳୁ OSRTC ବସ୍ ୧୦ଜଣ ଯାତ୍ରୀଙ୍କୁ ନେଇ ଶେରଗଡରୁ ପୁରୀ ଅଭିମୁଖେ ଯାଉଥିଲା । ଅନ୍ୟ ବସଟି ଶେରଗଡ ଅଭିମୁଖେ ଆସୁଥିଲା । ଦୁଇଟି ବସକୁ ଜବତ କରି ପୋଲିସ ତଦନ୍ତ କରୁଛି ।